Dard se bhara wo manzar dekha na gaya,
qalm se kuch likha na gaya,
na hi alfaaz thy,
har taraf dard bhara sanata goonjh raha tha,
dil khoon ke aansu roraha tha,
masoom bacho ki khoon se bhari wo lashey,
insaaniyat ko kuchal diya ho jaise,
qeemti jaano ki koi qeemat hi na ho jaise,
wo zameen bhi ropari hogi,
jis par zulm ki inteha badh gayi hogi,
masoom jaane kitni shaheed hogayi,😢
Hum bhool na payengy unki qurbani ko,
dard ke shour ki wo cheekhy mehsoos ho jaise,
har aankh mein us behtey dariyan ke shour ho jaise,
labb aur jazbaat bhi rorahy ho jaise,
unka ehsaas khud par mehsoos ho jaise..

❤️Wo Allah ka Farmaan hai,❤️
Qur'an paak mein,

Al-Qur'an: Surah Al-Maaida
verse: 32

Ke jo shaks kisi ko na haq qatal kareyga
yani baghair isky ky jaan ka badla liya jaayen
ya mulk mein kharabi karne ki saza di jaaye
tou usne goya tammaam insaano ko qatal kiya
aur jo ek insaan ki jaan bachaley
tou goya usne saare insaano ko zindagi dedi

Ya'RAB tujhse dua hai,
madad farmaa un mazloom palestine🇵🇸 ki
rehem farmaa apne karam se.
"motiyon ki tarha bikhar rahi hai zindagi jo unki,
tu samet lay apni rehmat se zindagi unki.
🤲Aameen🤲
© Queen writes