तुझ्या घरासमोरून जाता जाता
हळूच तुझ्याकडे वळून पहिलं
अन् तुझ ते चिकणं रूप
माझ्या तसचं ध्यानात राहिलं.....!!

तेव्हाच तूझ्या गालावरचे
तीळ बघुन मी मनात हसलो
अन् सखे तिथंच तूझ्या
प्रेमात मी पार फसलो......!!

स्वप्नातच तुझ्या गालावरून
मी बोटे फिरवत होतो
अन् तुझ्याच प्रेमाचे धडे
सतत मी गिरवत होतो......!!

तुझ्या त्या देखण्या रूपाला
कशाचीच नाही तोड
अन् तुझ्याच प्रेमाची
मला लागली आहे ओढ......!!

माझ्या आयुष्याची सोबतीन
तूच व्हावी वाटतंय
तुझ्याशीच संसार थाटायला
माझं मन नटतयं......!!

मी या एकतर्फी प्रेमात
पार गेलो ग न्हाऊन......!!
सखे एकदातरी या प्रेमाचं
गीत दाखव गाऊन......!!
   
            एकतर्फी प्रेम
         मनिषा मिसाळ (लोखंडे)