ಅಗೋ ಬಂದಿತು ಅಗಸ್ತ್ಯರ ಸಲಹೆ
ಅಯೋಧ್ಯೆಯ ಅಧಿಪತಿ 
ಶ್ರೀ ರಾಮನ ಬಳಿಗೆ.......
ಚಕ್ರವರ್ತಿಯ ಚಕ್ರವ್ಯೂಹಕೆ
ಆಚರಿಸಲು ಮಹಾಯಾಗವು
ಅರಸಿ ಬರುವುದು ಮಹಾಯೋಗವು.......

ಆರಂಭವು ಸಕಲ ಸಿದ್ಧತೆ
ವಿಜೃಂಭಿಸಿತು ರಾಜ ವೈಭವ 
ಶ್ರೀ ರಾಮ ಸಹಿತ......
ಸ್ವರ್ಣ ಸೀತೆಯ ಪ್ರತಿಮೆಯ ಮಾಡಿ
ಅಗೋ ಯಜ್ಞಕೆ ಅಗ್ನಿ ಸ್ಪರ್ಶವು
ನಿರತ ಸಾಗಿತು ಪುಷ್ಪಾರ್ಚನೆ
ವೇದ ಘೋಷಗಳ ನಾದಾರ್ಚನೆ..

ನಿಯಮಾನುಸಾರ ಮುನಿಗಣಂಗಳು
ವೈಶಾಖ ಪೌರ್ಣಿಮೆಯ ದಿನದಿ 
ಸರಯೂ ನದಿಯ ದಡದೆ 
ಶತ್ರುಘ್ನನ ಆಜ್ಞೆಯಡಿ ಸೇನಾಧಿಪತ್ಯವು, ಸೇನೆಯೊಡನೆ
ಶೃಂಗಾರಗೊಂಡ ಶ್ವೇತಾಶ್ವವ
ಗಂಭೀರ ನಡಿಗೆಯಲಿ ಬೀಳ್ಕೊಟ್ಟರು.......

ರಾಜ್ಯ ರಾಜ್ಯವೂ ರಾಮರಾಜ್ಯವು
ರಾಜರಾಜರ ಮಹಾರಾಜರ
ಶರಣಾಗತಿಯಲಿ ಸೋಲನರಿಯದೆ
ವಿಜಯ ಯಾತ್ರೆಯು ಸಾಗಿತು ನಿರತ.......
...