ಕಣ್ಣಿಗೆ ಕಾಣದೊಂದು ಮುಖ
ನಿನ್ನೊಳಗೆ ಇರಲು
ಅರಿಯಲು ಬೇಕಿಲ್ಲ
ಯಾವುದೇ ಶಕ್ತಿಯು

ಮುಖದಲ್ಲಿ ಕಾಣುವುದು
ಮಂದಹಾಸದ ನಗೆ
ಮನದಲ್ಲಿ ತುಂಬಿಹುದು
ಕಲ್ಮಶವೆಂಬ ಹೊಗೆ

ಕಲ್ಮಶದಿಂದ ಕೂಡಿದ ಮನಸಲಿ
ಅರಳಿಸು ಹೂವಿನ ಸುಗಂಧವ
ಬೇಡದ ಕೆಟ್ಟ ಯೋಚನೆಗೆಳಿಂದ
ತಿಳಿಮಾಡು ನಿನ್ನ ಒಳಮನವ

ಮನಸಿಗೆ ಕಪ್ಪು ಬಿಳುಪು ಎಂಬ
ಎರಡು ಮುಖಗಳಿರಲು
ಸರಿಯೇನೆಂದು ಯೋಚಿಸಿ
ನಿರ್ಧರಿಸು ನಿನ್ನಂತರಂಗವ

ಅರಿಯಿರಿ ನಿಮ್ಮ ಮನಸಿನ
ಪ್ರಬಲತೆಯ ಒಳ್ಳೆ ಮುಖವ
ಓಡಿಸಿ ದುರ್ಬಲತೆಯೆಂಬ
ಕೆಟ್ಟ ಕಪ್ಪು ಮುಖವ

ಕೆಟ್ಟ ಪ್ರಪಂಚ ಎಂದು
ದೂರುವ ಬದಲು
ಮನಸಿನ ದೃಷ್ಟಿಕೋನ
ಬದಲಿಸಲು ಪ್ರಯತ್ನಿಸು

ನಿಷ್ಕಲ್ಮಶ ಮನಸಿಗೆ
ಸಿಗುವುದು ಬರೀ ಪ್ರೀತಿ
ಬಯಸದ ಪ್ರೀತಿಯು
ಸಿಕ್ಕರೆ ಮತ್ತೇಕೆ ಭೀತಿ

#kannadaquotes #manuthoughts #kannadapoetry #ಮನಸ್ಸು
© ✍🏻ಮನು (Manu )