மேகங்கள் பிடிக்கவா
உன் விரல்களை பிடிக்கவா
இரண்டுமே ஒன்றுதான் அன்பே

பாற்கடல் கடையவா
உன் பால்மொழி கேட்கவா
இரண்டுமே ஒன்றுதான் அன்பே

பார் ஏங்கும் வெண்ணிலவே
விழி சேரும் தண்ணிழலே
கதை பேச நீயும் வருவாயோ ஓ ஓ ....

நெஞ்சம் உன்னை தேடுதே
நெஞ்சுக்குழி வாடுதே
நெஞ்சம் உன்னை தேடுதே
அன்பே என் அன்பே.....

நெஞ்சம் உன்னை தேடுதே
காதல் கொண்ட நாள் முதல்
நெஞ்சம் உன்னை தேடுதே
அன்பே என் அன்பே.....

புயலென வீசிய கடுங்காற்று
உன் விழிகளில் விழுந்த மறுகணமே
பூக்களை வருடிடும் பூங்காற்றாய்
இவள் மாறியதேன் மாறியதேன்....

மலர்களின் வாசம் நுகராமல்
காற்றும் கொஞ்சமும் நகராதே
விழிகளின் நேசம் உணராமல்
என்மனம் உன்னை,
பிரியாதே பிரியாதே....

பனிக்குடம் சுமக்கின்ற மேகங்கள்
தண்மழை பொழிந்திட மறக்காது
காதலை சுமக்கின்ற இதயங்கள்
கவிமழை பொழிந்திட,
மறுக்காதே மறுக்காதே....


மேகங்கள் பிடிக்கவா
உன் விரல்களை பிடிக்கவா
இரண்டுமே ஒன்றுதான் அன்பே ....

மழையென மழையென உருவாகி
நீ நனைந்திடும் பொழுதினில் ,உயிர் தீண்டி
அதிசயமே நான் நேசிக்கவா
உன்னை நேசிக்கவா.....

சொந்தங்கள் பந்தங்கள் நானாகி
உன் துன்பங்கள் துயரங்கள் என்னில் வாங்கி
இன்பங்கள் மட்டும் உனதாக்கி
கொடுத்திடவா நான் கொடுத்திடவா...

கனவின் நிஜமாக நான் மாறி
உந்தன் நிழலாகி விடவா...
நிஜங்கள் தேடும் நிழலாகி
உன்னை என்னில் உயிர்த்திடவா...
ஓஹோ, ஓ ஓ,ஓஹோ, ஓ ஓ.....

மேகங்கள் பிடிக்கவா
உன் விரல்களைபிடிக்கவா
இரண்டுமே ஒன்றுதான் அன்பே

பாற்கடல் கடையவா
உன் பால்மொழி கேட்கவா
இரண்டுமே ஒன்றுதான் அன்பே

நெஞ்சம் உன்னை தேடுதே
நெஞ்சுக்குழி வாடுதே
நெஞ்சம் உன்னை தேடுதே
அன்பே என் அன்பே.....

நெஞ்சம் உன்னை தேடுதே
காதல் கொண்ட நாள் முதல்
நெஞ்சம் உன்னை தேடுதே
அன்பே என் அன்பே.....
-- கவிநேசகி

#நேசக்கவிகிறுக்கல்கள்
#கார்த்திகைக்கண்ணன்
#கனவுநாயகன்
#நவரசநாயகன்
#காதல்பாடல்
© கவிநேசகி