Sengicela uxolo;
Ngivumele ngisule lemvula esemehlweni;
Ngoba ngihlulekile ukukupha impilo yasemhlabeni;
Inhliziyo iphukile ngakuphuca ukuphila ungakahlumi;
Ngikuphucile impilo yakho ngiyazi;
Sengilindele usuku lokwahlulelwa;
Mina amaphuthami sengikulungele ukuwafela;
Vele unembeza wam uyakhuluma;
Nenqondo iyohlala ikhumbula;
Ngoba inhliziyo isale nesibazi;
Kona iqiniso sebezolazi;
Phela akukho okufihliwe okungeke kufele;
Uzungixolele ngokukuphuca impilo usayihluli;
Unembeza usuyakhuluma;
Mina sengikhathele ukukhula nesibazi esingalapheki;
Nempilo esingihlalele isifishane;
Uxolo lwakho ilona oluyongikhulula;
Ukuze nam ngilibone izulu;
Kona alingifanele ngoba ngingumona;
Usuyongixolela bekungenhloso ukukuhlwitha ukuphila usayihluli.

BY NONDUMISO NXUMALO