Sa akong pag dayun ug higda sa akong higdaanan niadtong gabhiona,
May nabutyagan akong usa ka lampara ug gidali-dali ko kini ug duol.
Bug at kaayo sa pamati nga dili masabtan
Dihang anam-anam nakog paduol niini
Ug naa sab koy nakit an sa kilid nga nasidlakan sa kahayag
Usa ka karaan nga libro!

Apan sa way duha-duha ako kining gikuha
Bisan paman kontra sa akong buot kay lage usa kini ka misteryosong panghitabo.
Nanlimbawt akong mga balahibo sa kalit nga paghuyohoy sa makusog nga hangin nga wala man unta nag lain ang panahon,
Rason nga grabe akong nabati nga kulba sa akong dughan.

Sa dihang nagbasa-basa nako mikalit nasab ug huros ang hangin nga murag nihagawhaw sa akong duha ka dunggan.
Apan gibaliwala ko nalang kini ug mi padayon sa gibuhat.

Sa akong mga gipangbasa sa sulod atong libroha
Grabe akong kahibulong nga bisan usa wala koy nahinumduman pagmata nako pag ka buntag.
Apan ang akong mga pagkuwang, kahiubos, kasubo ug kasina maoy permi magbalik-balik sa akong huna-huna.
Dili na kini maayo.
Ni mata ko nga grabeng kabug-at sa akong dughan nga dili masabot.

Walay kusog ibuhat sa mga naandan nga buluhaton ug kini maoy naka tanom ug kahadlok sa akong paghuna-huna.
Ug mihuros nasad ang hangin ug dinhi ako nang nabati pagmaayo ang hagawhaw.
Grabeng pamarog sa akong balhibo.

Ug sa wala ko kabantay, naa nako sa tumoy sa hagdan nagbarog.
Nagtalikod sa ang-ang ug hinay-hinay gipiyong ang mga mata.
Wala ko kahibaw ug wala nako kasabot atong panghitaboa.
Gilamoy ko sa akong kahiubos ug sa akong emosyon.

Pagka sunod buntag niana maayo ug tunhay ang akong paglakaw-lakaw ug naila-ila kona usab ang nag sige ug hagawhaw sa ako niaging adlaw.
Iyaha kong giagda ug panlaag sa usa ka balay sa ako dawng kaila.
"Tana, kay nagpaabot na ang mga bisita" ingun pa niya.
Ug dako kaayo akong ngisi ug iyang gikuptan ang akong usa ka kamot ug nanglakaw.

Apan sa hapit na mi maabot sa among padulngan,
Grabeng kakulba nga dili masabtan ang akong gibati
Ug iya ko gipahiyoman ug miingon
" Naa rako, ayg kabalaka".

Pagkataud-taud na namong nilakaw gisugat kami sa kahumot sa mga bulak.
Sa akong paboritong bulak.
Ug diha nagsugod na ang grabeng kakulba sa akong dughan
Ug misamot pa pagtangka namo sa kural sa maong balay.

Ningsingkit akong mga kilay ug nahibong nganong naa ko niya dalha sa among balay.
Nahibong ko nganong naay naghilak ug nagsampit sa akong ngalan nga naglaag raman ko kadali.
Sa pagsulod namo sa among balay didto akong nakit an akong tibuok pamilya, mga barkada, mga silingan ug among mga parente nga wala nako nakaila unsa ilang ngalan.
Ug nibarog pagmaayo akong mga balhibo ug nikulba ug maayo akong dughan pagkakita ug kinsa ang naka butang sa atubangan.

Akong nakita ang akong kaugalingon ug gipalibutan sa daghan nga mga bulak.
Didto nihuros ug kusog ang hangin
Wala ko katuo sa akong nakita ug naghilak nga nag lantaw sa akong kaugalingon ug sa akong ginikanan nga nagtubod ang mga luha.
Ug ni hagawhaw ang hangin sa kusog ug makalisang nga katawa uban sa pagkawala sa akong kauban pag sulod kaganina.

© All Rights Reserved