బిక్కుబిక్కుమంటూ భయంతో వంచిన అమ్మాయి తల
సిగ్గుతో చిన్నచిన్నగా చూస్తున్న అబ్బాయి తుంటరి చూపులు

నాన్న గౌరవం కోసం మంచి సంబంధం అని కూర్చున్న అమ్మాయి
అందమైన అమ్మాయి తన ఇంటి దీపం కావాలని వచ్చిన అబ్బాయి

అమ్మాయి నచ్చిందా బాబు అని అడుగుతున్న చుట్టూ ఉన్నవారు
నచ్చింది అనడానికి సిగ్గుపడుతూ చిన్న నవ్వుతో సమాధానం ఇచ్చిన అబ్బాయి

మా అబ్బాయి నచ్చాడా అమ్మ అని అడుగుతున్న అత్తగారు
నచ్చాడని తన తండ్రి వైపు చూసి కన్నులతో సమాధానం ఇచ్చిన అమ్మాయి

కూతురికి పెళ్లి కాబోతుందని చెమ్మగిల్లిన
తల్లిదండ్రుల కన్నులు
అందాల అపరంజి తన ఇంటి మహాలక్ష్మి కాబోతుందని మెట్టినింటి సంతోషాలు

కట్న కానుకలు ఏం పెడతారని అడుగుతున్న అత్తింటి వారు
వియ్యాలవారితో తూగుతామో లేదో అని తడబడుతున్న వియ్యంకులు

అన్నీ కూడుకున్న ఈ సంతోషాల సాయంత్ర వేళనే మా ఈ పెళ్లి చూపులు
© sravani writtings