Sooni padi hain sadke
Khali pade hain Mele
Khali pade hain bageeche
Khali padi hain daftarein

Na logon ki chahachahaahat hai
Na dukaano me josh
Na bazaaron mein utsaah hai
Na duniya ka kisiko hosh

Kahaan chal padi hai duniya
Kahaan chal pada hai insaan
Kahaan gayi bachchon ki muskurahat
Kahan gayi logon ki muskaan

Waqt ka na jaane kaisa chakkar hai
Mushkil daur se guzar jaayenge zaroor
Bhagwaan par bharosa rakh, dil mein hausla
Hum isse bhi paar ho jaayenge, mere aye huzoor

Laut aayega suraj
Laut aayegi khilkhilaahat
Laut aayegi masti
Laut aayegi chaahat

Bas thoda aur intezaar hai
Fir bandhano se nikal kar ghoomenge hum
Laut aayegi khushiyon bhari zindagi
Bhool jaayenge ye saare gham