इतिहासाच्या पानावरती झळकते राजाचे नाव,
गडकिल्ल्याच्या स्वच्छते साठी घेतली अशी आम्ही धाव,
अभिमानाने सांगतो राव स्वराज्याचे शिलेदार प्रतिष्ठान असे आमचे नाव........

रयतेच्या सुखासाठी निर्माण केले स्वराज्याला,
महत्व आहे गडकोटांवरील वास्तूंच्या इतिहासाला,
सह्याद्रीच्या वाटेला लाल मातीचा आहे वाव,
अभिमानाने सांगतो राव स्वराज्याचे शिलेदार प्रतिष्ठान असे आमचे नाव.....

श्री.छत्रपती शिवाजी महाराजांना मनापासून स्मरुनी,
गडकोटांच्या वाटेवर नवीन पिढीला येऊ घेऊनी,
श्री भवानी आईच्या चरणी अर्पितो भक्ती भाव,
अभिमानाने सांगतो राव स्वराज्याचे शिलेदार प्रतिष्ठान असे आमचे नाव......

गडकिल्ले पाणी वीरगळी वास्तू असे संवर्धन करून,
इतिहास जपतोय आम्ही सेवेच्या ठायी घाम गाळून,
सह्याद्रीच्या कुशीत गडकोटांवर भगवा फडकवायला घेऊ आम्ही धाव,
अभिमानाने सांगतो राव स्वराज्याचे शिलेदार प्रतिष्ठान असे आमचे नाव......

हर हर महादेव अशी गर्जना येताच मुखातूनी,
शिवकार्यासाठी सज्ज असतो अंगातलं रक्त सळसळुनी......
राजे तुमच्या इतिहासाचे साक्षी आहेत सह्याद्रीतले डोंगर नदी तलाव,
अभिमानाने सांगतो राव स्वराज्याचे शिलेदार प्रतिष्ठान असे आमचे नाव......
© @Swa_hitkalambate 1044.