Kuch nahi hai shesh ab kyoki mai ab rikt hoon,
Mai hi hoon mere alawa mujhme jo atirikt hoon!

Na dhoop hai na chaanv hai,
Na hai ghrina na lagaav hai,
Na namrata na taav hai,
Na poornata na abhaav hai,

Ab moh ka na paash hai,
Har bhaav ka yeh naash hai,
Jeevan ka ab yeh ant hai,
Ye deh bhi ek laash hai,

Prem ka saagar nahi,
Ab shoonyata ki ret hai,
Jeevan me ab na rang hai,
Har bhaavna ab shwet hai!

© All Rights Reserved