Mai aaj fir har gyi....fir se haar ka saamna kr aai
Sbke ankho me fir nirasha le aai
Mai fir is kismat se haar aai..

Bachpan me school k us competition ne dimaag kharab kr dia Tha
Hmare bado k sapno ko or ucha kr dia Tha
Rishtedaaro ko to jala kr rakh dia Tha...
Apne hi maa baap k ghamand par pani fer aai..Mai aaj fir haar aai

Ugte Suraj ko sbki salami milti h
Aapne har haar par mujhe y baat smjhai
Par dubte suraj ki khubsurati kisi k nazar na aai
Vo asal me nai dubta
Par fir bhi hme dubta hua dikhta h
Koi to baat h uske dubne me.....

Vo har shaam dusri subh chamakne k lie dubta h
Uske chamak k aage sbka sir jhukta h
Meri bhi lalima us Suraj ki trh aaj Kam h
Is lie mujhe bolne ka aapke paas bhi dam h

par jis din chamkungi nazare Mila nai paoge
boli to dur ki baat h hath bhi Mila nai paoge
Uday ho chuki to Kya fir se dubungi
Apne haar k karib rah kr or bhi chamkna sikhungi

Meri chamak se nazre fir jhukengi tumhari
Par is Suraj k sath hi Mai khud ko samjhungi
Mana aaj haar gyi...par ek din jarur chamkungi

@mylearningdiaries
© mylearningdiaries