Ndivumeleni ndiphalaz'imbilini yam
Ndivumeleni ndinabele ngolwazi endinalo ngobomi

Ubomi bunzima buneemini zeentlungu neenkxwaleko
Ebomini ndixhikinkxwe ngamanxeba amabini
Elokuqala inxeba lelokuthemb'umntu kanti uthemb'irhamba,ude ubethwe olungatsitywa ntwala ngobathembileyo
Elesibini kukuhlangabezwa yintlupheko ekungaziwa mvelaphi yayo

Inene intliziyo ngumkhohlisi bendiyithembile
Iinyembezi bendilala zisehla okomthombo wamanzi zinganqandeki
Bekunqongophel'ezozandla zondithuthuzela xa bendimgxwelerhekile
Bekunqab'amagxalab'okulilela xa bendidandathekile
Bendisele ndibuncamil'ubomi ndimane ndintyiloza ndisithi "vuleka mhlaba ndingene"

Ndilityhutyha-tyhutyhil'ilizwe ndibhadula ndinyuka ndisehla ndixel'amanz'olwandle,kodwa kuko konke oko ndibuye nelize
Zidla ngokuthi intsana zikaQamata okwenzekileyo kuyafana nokudaliweyo
Ngako oko ndithi xola ntliziyo yam ulibale wena ngqondo yam ,ngob'ubomi ngumzamo😔💔

© Zikhona Kondile