ಸಾಧನೆಯ ಹಾದಿಯಲ್ಲಿ ಅಡೆ ತಡೆಗಳು ಸಾವಿರಾರು
ಸೋಲಿಗೆ ಹೆದರಿದರೆ ಗೆಲುವಿಂದು ಯಾರದೋ ಪಾಲು
ಮೆಟ್ಟಿ ನಿಲ್ಲಬೇಕು ನಮ್ಮೆಲ್ಲ ಕುಂದು ಕೊರತೆಗಳನ್ನು
ಧೈರ್ಯದಿಂದ ಅಡಿಯಿಟ್ಟರೆ ವಿಜಯ ನಮ್ಮದಿಂದು

ಅವಮಾನ ಸನ್ಮಾನ ಎಲ್ಲಾ ಕ್ಷಣಿಕವಾಗಿವೆ ಬಾಳಲ್ಲಿ
ಕಾರ್ಯದಿಂದ ಹೆಸರನ್ನು ಗಳಿಸಬೇಕಿಂದು ನಾವಿಲ್ಲಿ
ಅವಕಾಶ ಅದೃಷ್ಟ ಕೈ ಹಿಡಿಯದಿದ್ದರೇನು ಜಗದಲ್ಲಿ
ಪ್ರಾಮಾಣಿಕತೆ ಒಂದಿದ್ದರೆ ಹರಸುವನು ಭಗವಂತನಿಲ್ಲಿ

ಅಸಾಧ್ಯವೆಂಬುದು ಯಾವುದು ಇಲ್ಲ ಮನುಜನಿಗೆ
ಸಾಧಿಸುವ ಛಲವಿರಬೇಕು ನಿಸ್ವಾರ್ಥ ಮನದೊಳಗೆ
ಸಮಯ ಕಾಯದು ನಮಗಾಗಿ ಬದುಕಿನಲ್ಲಿ ಇಂದು
ಸದುಪಯೋಗ ಮಾಡಿಕೊಂಡು ಸಾಗುತಿರಬೇಕಿಂದು

ಸಾಧನೆ ಎಂದು ಪ್ರಯತ್ನಶೀಲರ ಸ್ವತ್ತು ಆಗಿಹದು
ಸೋಮಾರಿಗಳಿಗೆಂದೂ ಇಲ್ಲಿ ಯಶಸ್ಸು ಒಲಿಯದು
ಸಂಶಯದಿ ಹೆಜ್ಜೆ ಇಟ್ಟರೆ ಸಿಗುವುದೆಂದೂ ಅಪಜಯ
ದಿಟ್ಟತನದಿಂದ ಗುರಿ ಇಟ್ಟು ಮುಂದೆ ನಡೆದರೆ ವಿಜಯ

✍️ ಸೂಗಮ್ಮ ಡಿ ಪಾಟೀಲ್
ಉತ್ನಾಳ್