Kabhi na chhute tumse,
Woh aadat banna chahti hoon...
Subah jo roshni chhuye tumhe,
Woh pehli kiran banna chahti hoon...
Bas ek baar izaazat toh do,
Dilme tumhari thodi si jagah de do;
Khushnaseebi hota hai kya,
Woh samajh jayenge hum...
Dard me gire aansu ki har katre ko,
Musarrat me badal denge hum...
Sukoon jo milta hai dekhke tumhe,
Ussi nadaani me jee rahe hai har waqt...
Ek khawahish lekar subah uthte hai,
Kabhi nazron se hokar rasta mile dil tak...
Chhuna toh chahti hoon tumhe,
Khawab ho ya haqeeqat ye parakhna hai...
Kis tarah tumhe banaya Khuda ne,
Uss ehsaas se rubaroo hona hai...
Nahi, tumhara jism nahi chahiye,
Woh toh har kisike paas hota hai...
Jiski parchhayi jhalakta hai aankhon me,
Uss rooh ko chhuke khudko paak karna hai...
Bas itni si chaahat de do,
Tumhare muskurahat ki ek wajah banne do...
Bhatke huye ek musafir ko,
Uski manzil mil jayegi;
Bas tumhari har aadaton me se,
Humhe bhi ek aadat bana lo...!!

~Pujashree❤


© Pujashree