Gharwalo ne kaha
beti hai tu
shadi zaruri hai..
bhoj nahi tu humpar
par ye toh
hamari majboori hai...
yaad rakhna par
byah ke baad bhi
tu hamari hamesha rahegi..
kabhi bhi koi
zarurat ho tujhe
to humse aakar kahegi...
maine bhi socha
ki kyu na
dil ko manaya jaye...
shadi hi toh hai
kyun na ab kisi aur ka
saath nibaya jaye ...
woh bhi toh ik
ghar hi hoga jisme
sab mere sath rahenge...
mujhe bhi toh
apne bete ki tarah
sab apna hi kahenge...
din aaya woh bhi
jab byah kar
chali gayi ghar pe uske...
umeeden dil mein rakhkar
sapne kar diye
hisse mein uske...
pehle din
subah uth kar
maine ghar pe chai banai...
sabne khush hokar
na jaane muje
kitni di badhayi...
woh din muje
zindagi ke sabse
behtareen pal lag rahe the...
kya pata tha ye toh bas
kaaton ki kyariyon mein
kuch aakri fool pal rahe the..
Maine kaha chalo
kal se main
naukri dhoond leti hu...
woh bole
tum bhi na
kitna accha mazak kar leti ho..
main barabar hu tumhare
yaad hai
tumne hi kaha tha na..
ab nahi kar sakti
apni manmaani
ye bhi keh raha hu na...
bole woh
tumne apna surname
ab tak kyun badla nahi hai...
Ab hum hi
hain tumhare
kya tumhe pata nahi hai...
Maine kaha maa se
ghar ke yaad ayi
mayke chali jaun..
woh boli sasural
hi ghar tera
na mayke ki ratt lagaun...
chhuti hai aaj
kyun na kahin
ghoom kar aa jaye...
bole ki tumhe
toh bas ghar ke kaam
na karne ke bahane mil jaaye...
maine nayi skirt khareedi
dekho na tum
kaisi lag rahi hai...
sharam nahi aati
tumhe kya jo aise
kapde pehen rahi hai...
shaadi ko ho gaye
kuch mahine ab
sab theek hona chahiye..
woh bole theek hi hai sab
bas tumhara
mann hona chahiye..
abhi umar kam hai
kyun na pehle samajh
le ik duje ko acche se...
bole woh zindagi
puri padi hai, achhi hogi
ye toh bas bacche se..
kaisi ladki hai tu
itna waqt hua
baccha paida na kar pa ri hai..
shayad hormonal
issue hai mujhe
isliye ye mushkil aa rahi hai...
boli main kyu na chalkar
ikbaar doctor
ko dikha de hum...
meri is mushkil
ka chalkar
koi solution laade hum...
problem koi nahi
bas tumhari niyat
sahi nahi...
warna aisa kya
ho sakta hai ki
ho tumhe baccha nahi...
late hua office
tumhare karaan isliye
boss se mujhe sunaya hai...
Mood kharab tha isliye
gusse mein tumpar
aaj haath uthaya hai...
pati hu tumhara
itna toh tum
sehen kar hi logi...
keh raha hu maan lo
aisi galti ab
dubara nahi hogi...
boli main roz roz ye
peekar aana
sahi baat nahi...
mujhpe bina baat
ke chillana
mujhe ab raas nahi...
toot kar ab
maine ghar pe
apne sab bataya..
mujhpe guzar rahi
aapbeeti ko
maine unhe sunaya...
dhang reh gayi
main sunke
unki ye baat...
bole kar lo adjust
ab nahi de sakte
hum tumhara saath...
ladki ho tum
thoda sehen karna
seekh kyu nahi jaati...
ik baar behayi hui
ladki mudkar
apne maayke nahi aati...


saari baatein muje
sab na jane
kyu sikha rahe the ...
beti ko beti chhodi
kyun insaan
nahi samaj pa rahe the...
apna surname
badalna itni
badi bhi baat nahi...
par rakhu apna
purana hi surname kyu
usme tumhe aitraaz koi...
Sang tere har kadam
chalne ko
tyaar thi main...
Apna Wajood khokar
jeene ko
naa bani yaar thi main...
Rishta hai ye
Rooh ka,
na jismo ka bandan hai...
jo samjha woh
duniya jeeta, na samjha jo
woh anpad hai...
chalo ab toh
chup
karti hu main...
warna kahenge
feminism ke naam pe
kuch bhi kehti hai ye ...
© DeepiSays