निंबोणीच्या झाडामागे
चंद्र झोपला गं बाई...

निंबोणीच्या झाडामागे
चंद्र झोपला गं बाई
आज माझ्या पाडसाला झोप का गं येत नाही...
निंबोणीच्या झाडामागे चंद्र झोपला गं बाई...!

गाय झोपली गोठ्यात,
घरट्यात चिऊ ताई...
गाय झोपली गोठ्यात ,
घरट्यात चिऊ ताई....!
परसात वेलीवर झोपल्या गं जाई-जुई....!!
मीट पाकळ्या डोळ्यांच्या
ओ...ओ...
मीट पाकळ्या डोळ्यांच्या
गाते तुला मी अंगाई....!
आज माझ्या पाडसाला झोप का ग येत नाही....
निंबोणीच्या झाडामागे चंद्र झोपला गं बाई...!!

देवकी नसे मी बाळा,
भाग्य यशोदेचे भाळी...
देवकी नसे मी बाळा
भाग्य यशोदेचे भाळी...!
तुझे सुख घेण्यासाठी
केली पदराची झोळी....!!

जगावेगळी ही ममता
ओ...
जगावेगळी ही ममता ,
जगावेगळी अंगाई....!
आज माझ्या पाडसाला झोप का ग येत नाही...
निंबोणीच्या झाडामागे चंद्र झोपला गं बाई...!
निंबोणीच्या झाडामागे चंद्र झोपला गं बाई....!!

जिज्ञासा....✒✍🏻🙏🏻