Masla ab ye nahi ki tu hai ki nahi,
Masla ye bhi hai ki tu mujhe yaad hai।
Tujhase milane ki khwahish mujhe beshaq nahi,
par jo tha sukoon ,haye kya baat hai।
Baate sach hai ab teri karte hain ham,
tujhase hoti nahi khair ye baat hai।
Waise jeena to ab bhi khair chalta hi hai,
par dil ke dhadakane me wo ahsaas nahi sath hai।
Hasate to aise hai ham ,ki tazzub ho ,
par tujhe dekhane par muskurahat ab bas khyalat hai,
Chumna to ab patthar hi baki raha hai ,
Chehara tera ab kisi amanat hui।
log lakhon milenge kahane ko hi hai,
milna hota bhi to kaha wo baat hai।
Gale padne ka shouk hame hargiz nahi tha ,
gale lagane ki bhi aadat teri azamat hai।
ab to bas ek khali kagaz hi hath lagati hai mere,
ye batana hai tujhako par tu kahan sath hai।
ki jee bhar ke dekhu jo mile tu kahi ,
fir jee ke bharne se jee bhi bharega bhala ,
tujhako bahon mein bhar lu ye tamanna bhi hai,
dam bhar ko bhi sahi dil sambhalega bhala।
fir wo pahle jaisi tapish ,garm saanse wo rahat ,aisa lagta hai jaise kal hi ki baat ho ।
kal fir se mulakat hogi ye wada ,
kaise bitega waqt tere bin baat ho।
ufff
ye dil, dil bhi kya chiz hai,
aise marne se tujhape to mar jaana bhala।
Marna mumkin bhi hai tera jo didar ho,
Masla ye bhi to hai marne walon ke sath koi marta nahi।