Lahat gumagalaw na ng mabilis
Araw, segundo, oras ay humahagibis
Lahat ang rason ng tao'y laging ubos
Isang araw, Hay! Kaydaling matapos

Pero hindi ka ba nagtataka?
Ba't kahit bente kwarto ang sa atin ay di pa rin kasya?
Yung sa iyo minsan di kayang ibahagi sa iba
Dahil tig-iisang bente kwarto ay kulang pa

Kaya kung bibigyan ka kahit isa mula sa bente kwatro
Mahal at mahalaga ka sa kanya, yan ay sigurado
Huwag hayaang basta matatapos at masasayang ito
Bawat segundong tapos ay di na ulit ibabalik sa iyo.