ನಮಿಸುವೆನು ವಿದ್ಯೆ ಕಲಿಸಿದ ಗುರುಚರಣಕೆ
ಸಾಗುವೆನು ಗುರು ತೋರಿದ ದಾರಿಯೆಡೆಗೆ
ಅರಿವಿನ ಹರಿವನು ಹರಿಸುವ ಅದ್ಭುತ ಶಕ್ತಿ
ಸಾಧಿಸಿ ತೋರಿಸಬೇಕು ಆಡಿದಂತೆ ಉಕ್ತಿ ||1||

ಭೇದ-ಭಾವ ತೋರದ ನಿಸ್ವಾರ್ಥ ಸೇವೆಗೆ
ಕಾಯಕವೇ ದೇವರೆಂದು ಪೂಜಿಸುವ ಶಿಕ್ಷಕರಿಗೆ
ನಮಿಸುವೆನು ಜೀವನ ರೂಪಿಸಿದ ಗುರುವಿಗೆ
ಅಕ್ಕರೆಯ ಭಾವನೆಯಿಂದ ಕಲಿಸಿದ ಭೋದನೆಗೆ ||2||

ಸೃಜನಾತ್ಮಕ ಕಲೆಯ ಗುರುತಿಸುವ ಬೋಧಕರು
ಬದುಕಿನ ದಾರಿಗೆ ಬೆಳಕಾಗುವ ಶ್ರೇಷ್ಠ ಶಿಕ್ಷಕರು
ಕನಸುಗಳಿಗೆ ಬಣ್ಣ ಹಚ್ಚುವ ಮಾರ್ಗದರ್ಶಕರು
ಜಗವನರಿಯಲು ತಿದ್ದಿತಿಡಿದ ಸರಸ್ವತಿ ಸ್ವರೂಪರು ||3||

ಅಜ್ಞಾನದಿಂದ ಸುಜ್ಞಾನದೆಡೆಗೆ ಕರೆದೊಯ್ಯುವ ದಾರಿದೀಪ
ತಾಯಿಯಂತೆ ಕರುಣೆ ತೋರಿಸುವ ಪ್ರೀತಿಯ ರೂಪ
ಶಿಸ್ತು ಸಂಯಮ ಕಲಿಸಿ ಬಾಳ ಬೆಳಗಿಸುವ ನಂದಾದೀಪ
ಬದುಕಿಗೆ ಉತ್ತಮ ತಿರುವು ನೀಡುವ ಮಾತೃರೂಪ
||4||

ಧನಾತ್ಮಕ ಚಿಂತನೆ ಬೆಳೆಸುವ ಪ್ರತ್ಯಕ್ಷ ದೈವ
ಮೆಚ್ಚಬೇಕು ಕೌತುಕ ಹೆಚ್ಚಿಸುವ ಗುರುವಿನ ಸ್ವಭಾವ
ಕಲಿಸಿದ ಪಾಠಗಳೆ ಜೀವನಕ್ಕೆ ಬೀರುವುದು ಒಳ್ಳೆ
ಪ್ರಭಾವ
ನಮ್ಮ ಉಜ್ವಲ ಭವಿಷ್ಯ ರೂಪಿಸುವ ಮಹಾನುಭಾವ ||5||

ಮಕ್ಕಳ ಏಳಿಗೆಗೆ ಶ್ರಮಿಸುವ ಸ್ನೇಹಿತರಂತಿವರು
ಸಹೋದರತ್ವ ಭಾವನೆ ಮೂಡಿಸುವ ಪೋಷಕರು
ಬದುಕಿನ ಅರ್ಥವ ತಿಳಿಸುವ ಸದ್ಗುಣ ಸಂಪನ್ನರು
ಸರ್ವರನ್ನು ನಿಷ್ಪಕ್ಷಪಾತವಾಗಿ ಕಾಣುವ ನ್ಯಾಯಾಧೀಶರು||6||
✍️ಶೃತಿ ಶೈವ

#WritcoQuote#writcoapp#Writer#Writco#shruthishaiva#Writcopoem#ಗುರುವಿಗೆನಮನಗಳು#ಗುರು#ನಮನ#ವಿದ್ಯೆ