ਇਸ਼ਕੇ ਦੀ ਜਾਂਚ ਵੇ ਆ ਜਾਵੇ
ਸ਼ਿਵ ਦੀ ਐਸੀ ਕੋਈ ਕਿਤਾਬ ਬਣੇ
ਮੈਂ ਮੁਰਝਾਉਂਦਾ ਵੀ ਖਿੜ ਜਾਵਾਂ
ਸੱਜਣ ਇੰਨਾ ਸ਼ਦਾਬ ਬਣੇ
ਸੱਜਣ ਇੰਨਾ ਸ਼ਦਾਬ ਬਣੇ..

ਅਸੀਂ ਰੋਹੀਆਂ ਬਾਜੋ ਵੀ ਰਹਿ ਲਾਂਗੇ
ਸੱਜਣ ਫੁੱਲਾਂ ਦਾ ਬਾਗ ਬਣੇ
ਅਸੀਂ ਹਿਜਰਾਂ ਦੀ ਮਾਰ ਵੀ ਸਹਿ ਲਾਂਗੇ
ਸੱਜਣ ਸਾਡਾ ਖਿਤਾਬ ਬਣੇ

ਰੀਤਾਂ ਦੇ ਵਿੱਚ ਰੁਲ ਜਾਣੇ
ਐਸੇ ਮੇਰੇ ਭਾਗ ਬਣੇ
ਲੀਕਾਂ ਦੇ ਵਿੱਚ ਨਾ ਲਿਖਿਆ ਕੁੱਛ
ਜਦ ਵੀ ਫਰੋਲਾਂ, ਤੇਰਾ ਨਾਂ ਬਣੇ
ਦੁਨੀਆਂ ਨੂੰ ਮੈਂ ਛੱਡ ਦਿੱਤਾ
ਤਕਦੀਰ ਨੂੰ ਸੁਨੇਹਾ ਘੱਲ ਦਿੱਤਾ
ਨਿਮਾਣੇ ਨੂੰ ਨਾ ਲੱਭਿਆ ਕੁੱਛ
ਇਸ਼ਕ ਮੇਰਾ ਅਹਬਾਬ ਬਣੇ
ਇਸ਼ਕ ਮੇਰਾ ਅਹਬਾਬ ਬਣੇ

ਅਸੀਂ ਨੀਵੀਂ ਪਾਉਣੀ ਛੱਡ ਦਾਂਗੇ
ਸੱਜਣ ਸਾਡਾ ਅਦਾਬ ਬਣੇ
ਸੱਜਣ ਸਾਡਾ ਅਦਾਬ ਬਣੇ

ਨੈਣਾਂ ਦੀ ਲੋਰ ਵੇ ਚੜ੍ਹ ਜਾਏ
ਦੀਦਾਰ ਤੇਰਾ ਖੁਮਾਰ ਬਣੇ
ਹੋਰ ਕੁੱਝ ਨਾ ਸਾਂਭਿਆ ਦਿਲ ਵਿੱਚ
ਖ਼ਾਬ ਤੇਰਾ ਇਕਰਾਰ ਬਣੇ
ਵਫ਼ਾ ਮੇਰੀ ਤੇ ਤਰਕ ਲੱਗਾ
ਦੁਨੀਆ ਬੇਦਰਦ ਨੂੰ ਮਰਜ਼ ਲੱਗਾ
ਜਿੰਨੇ ਮੇਰੇ ਤੇ ਸਵਾਲ ਉਠੇ ਨੇ
ਤੂੰ ਉਹਨਾਂ ਲਈ ਜਵਾਬ ਬਣੇ
ਤੂੰ ਉਹਨਾਂ ਲਈ ਜਵਾਬ ਬਣੇ

ਅਸੀਂ ਰੋਹੀਆਂ ਬਾਜੋ ਵੀ ਰਹਿ ਲਾਂਗੇ
ਸੱਜਣ ਫੁੱਲਾਂ ਦਾ ਬਾਗ ਬਣੇ
ਅਸੀਂ ਹਿਜਰਾਂ ਦੀ ਮਾਰ ਵੀ ਸਹਿ ਲਾਂਗੇ
ਸੱਜਣ ਸਾਡਾ ਖਿਤਾਬ ਬਣੇ

© Harf Shaad

#pyaar #mohabbat #punjabi #kavita #song #ishq #sajjan