ಬಾನಲಿ ಬದಲಾಗೋ ಬಣ್ಣದ ಹಾಗೆ
ಮನದಂಗಳದಲ್ಲಿನ ಭಾವನೆ
ಮೋಡದಲ್ಲರಳೋ ಚಿತ್ತಾರದ ಹಾಗೆ
ಮನದ ಮುಗಿಲಿನಲ್ಲರಳೋ ಕಲ್ಪನೆ

ಸುಖವೊಮ್ಮೆ ದುಃಖವೊಮ್ಮೆ
ಒಂದಾದ ನಂತರ ಒಂದು ಪುನರಾವರ್ತನೆ
ಎರಡರಲ್ಲೂ ಹರಿಯುವುದು ಕಣ್ಣೀರು
ಆದರೂ ಬೇರೆಯದೇ ಭಾವನೆ

ನೋವುನಲಿವುಗಳ ಮಧ್ಯೆ ಅರಳಿದೆ
ಜೀವನದ ಸುಮವು ಬೀರುತ ಸುವಾಸನೆ
ಸೋಲು ಗೆಲುವುಗಳ ನಡುವೆ ಸಾಗಿದೆ
ಬದುಕಿನ ನಿಜವಾದ ಪರ್ಯಟನೆ

ಮನಸೇ ಒಂದು ಭಾವನೆಗಳ ಆಗರ
ಆಗದಿರಲಿ ಎಂದಿಗೂ ಸಂಘರ್ಷ
ಅರಳಲಿ ದಿನವೂ ಮನದಲಿ ಸಂತೋಷ
ಸವೆಯಲಿ ಬದುಕು ಜೊತೆಯಿರಲಿ ಹರ್ಷ

© ಭಾರ್ಗವಿ ವರ್ಧನ್*(ಭಾವ)*✍🏻