ಪ್ರೀತಿಯ ಭಾವ ಕವಿತೆಯಲಿ
ಮೂಡಿದೆ...!
ಹೃದಯ ಹೃದಯಕೆ ಬೆಸೆದಿದೆ
ಪ್ರೀತಿಯ ಬಂಧ,
ಮನಸು ಮನಸಿಗೆ ಸೇರಿದೆ
ಸ್ನೇಹದ ಅನುಬಂಧ,
ಸಾವಿರ ಕನಸಿನಲಿ ನೀನಿರುವುದೇ
ಬಲು ಚೆಂದ,
ಈ ಲೋಕದ ಮುಂದೆ ನಿನ್ನಂದವೇ
ಮಕರಂದ..!
ಬೀಸುವ ತಂಗಾಳಿಗೂ ನಿನ್ನ
ನೋಡುವ ಆಸೆ,
ಕಣ್ಣಂಚಿನಲಿ ಮೋಹ
ಪಾಶದಲ್ಲಿರಿಸುವಾಸೆ,
ಎದೆಯೊಳಗೆ ಕಂಪು ಬೀರುತ
ನಿನ್ನ ಸೇರುವಾಸೆ,
ಮೈದುಂಬಿ ಬಂದು ನಿನ್ನ ತೋಳ
ಬಳಸುವಾಸೆ,
ಮರುಜನ್ಮವಿದ್ದರೆ ನಿನ್ನೊಡನೆ
ಸುಖಿಸುವಾಸೆ..!
ಮೋಡ ಕವಿದಿದೆ, ನೀಲಿ ತೆರೆಯ
ಹಾಸು ಹೊದಿದ್ದೆ,
ಬಾನ ತುಂಬುತ ಚಂದ್ರ ಕಾಂತಿಯಲಿ
ತಬ್ಬಿದೆ,
ನಿನ್ನ ಕಂಡು ಮನವು ಹರುಷದಿ,
ಸಂಪ್ರೀತಿಯಲ್ಲಿ ಹಿಗ್ಗಿದೆ,
ನಿನ್ನೊಲವಿನಲ್ಲಿ ಹೃದಯ ತಣಿದಿದೆ,
ಚೆಲುವು ತುಂಬಿದ ಎದೆಯಲಿ,
ಈ ಕವಿತೆ ಮೂಡಿದೆ..!!
❤️ಸುಮನ್ ಹೆಚ್ ಸಿ ❤️