ਇਹ ਰਿਸ਼ਤਾ ਏ ਸੰਸਾਰ ਦਾ
ਲੋੜਾਂ ਭਰੀ ਪਿਆਰ ਦਾ
ਇਹ ਨਿਭਣਾ ਹਾਲੇ ਕਬਰਾਂ ਤੀਕ
ਮੁੱਲ ਪੈਣਾ ਗਵਾਚੇ ਯਾਰ ਦਾ

ਤੂੰ ਆਦਮੀ ਹੈਂ, ਤੂੰ ਕਾਮਾ ਹੈਂ
ਕਰਜੇ ਵਿੱਚ ਵਸਿਆ ਤੇਰਾ ਨਾਮਾ ਹੈਂ
ਤੇਰੇ ਲਈ ਮੋਹ-ਪਿਆਰ ਵੀ ਜਿੰਮੇ ਹੇਠ
ਤੂੰ ਦੁਨੀਆਂਦਾਰੀ ਦਾ ਪਾਣਾ ਜਾਮਾ ਹੈਂ

ਤੈਨੂੰ ਦਰਦ-ਲੋੜ ਵੀ ਕਹਿਣੀ ਹੈਂ
ਤੂੰ ਗਾਲੀ-ਗਲੋਚ ਵੀ ਲੈਣੀ ਹੈਂ
ਤੂੰ ਥਕਣਾ ਨਹੀਂ ਤੂੰ ਹਾਰਨਾ ਨਹੀਂ
ਹਾਲੇ ਜਿੱਲਤ ਵੀ ਤੇ ਸਹਿਣੀ ਹੈਂ

ਤੇਰੇ ਕੋਲ ਟੱਬਰ ਦੀ ਸਰਦਾਰੀ ਹੈ
ਰਿਸ਼ਤਿਆਂ ਦੀ ਸੇਵਾਦਾਰੀ ਹੈ
ਜੱਚਾ-ਬੱਚਾ, ਮਾਪਿਆਂ ਦੀ
ਚਾਵਾਂ ਦੀ ਪੰਡ ਵੀ ਸਿਰ ਤੇ ਭਾਰੀ ਹੈ

ਤੂੰ ਰੋਣਾ ਨਹੀਂ ਵੇ ਕਾਮਿਆ
ਤੇਰੇ ਲਈ ਜੱਗ ਨੇ ਦੁੱਖ ਕੋਈ ਨਹੀਂ ਜਾਨਿਆ
ਤੇਰੀ ਜਾਨ ਵੀ ਇੱਥੇ ਮੁੱਲ ਦੀ ਹੈ
ਤੂੰ ਜਾਣਾ ਜੇਬਾਂ ਵਿੱਚੋਂ ਪਛਾਣਿਆ

ਤੇਰੇ ਬਲ ਨਾਲ ਸਤਿਕਾਰ ਹੈ
ਇਸੇ ਰੀਤ ਚ ਰੁਝਿਆ ਸੰਸਾਰ ਹੈ
ਕੀ ਲੋੜ ਹੈ ਤੈਨੂੰ ਮੋਹ ਦਿਆਂ ਫੁੱਲਾਂ ਦੀ
ਸਭ ਤੇਰੀ ਅਰਥੀ ਉੱਤੇ ਨਿਉਛਾਰ ਹੈ ..

© Harf Shaad

#WritecoQuote #writeco #Shayari #life #pyaar #men #punjabi #poetry #Mohabbat