तो तिला फेसबुकवर भेटला होता. अगदीच राजबिंडा होता अस नाही चार चौघांसारखाच होता साधा सरळ पण त्याची एक गोष्ट खुप चांगली होती ती म्हणजे तो खुप चांगली कविता करायचा त्या कवितांमुळेच तिला तो आवडला होता.
ही कथा आहे सानिका आणि सुयशची सानिका आणि सुयश दोघही वेगळ्या विचारांची कॉलेजमध्ये शिकणारी एकमेकांची ओळख नसलेली दोन वेगळ्या स्वभावाची मुलं होती. एक उत्तर होता तर दुसरी दक्षिण होती. सुयश एकदम शांत स्वभावाचा जिथे बोलण्याची गरज असेल तिथेच बोलणारा मुलगा होता तर सानिका खुप चंचल स्वभावाची होती तिला नेहमी स्वच्छंदी जगायला आवडत असे. दोघांचे स्वभाव भिन्न होते आणि विचार ही भिन्न होते. पण त्यांच्यात एक मात्र कॉमन गोष्ट होती ती म्हणजे सुयशला कविता करण्याची आवड होती आणि सानिकाला कविता वाचण्याची आवड होती. आणि दुसरी कॉमन गोष्ट म्हणजे फेसबुक.
सुयश आणि सानिकाला फेसबुकच खुपच वेड होत. एखाद्या समारंभात किंवा कुठे फिरायला गेल्यावर काढलेले सेल्फीज सानिका लगेच फेसबुकवर टाकत असे तसच कुठलीही छानशी चारोळी असो किंवा छानशी कविता असो काहीही सुचलं की सुयशला ही फेसबुकवर टाकायला आवडत असे. सानिका एखाद इंटरेस्टिंग प्रोफाइल दिसलं की लगेच फ्रेंड रिक्वेस्ट सेंड करत असे. तर सुयश मात्र खुप विचार पुर्वक रिक्वेस्ट एक्सेप्ट करत असे. अशी ही दोन विरुद्ध टोक होती.
एक दिवस दुपारी आपल्या मैत्रीणींबरोबर सानिका आपलं फेसबुक चेक करत...