...

170 views

Rakhi
Do bhai bahan ka ek chota parivaar.Bahan ka naam Srija aur bhài ka naam Ranjan.Dono ko dekhne se pata lagta thha ki do sharir aur ek Jan.Ranjan das sal ka thha aur Srija char sal ki thhi.Unke janm ke bad unke pita ghar chodkar chale gaye thhe.Maa bhi kuch sal ke bad duniya se chal basi thhi.
Dur gaon me nanihal tha.Mama achcha khasa kamate thhe Nana Nani aakar kabhi kabhi unke sath rahte thhe.Ranjan ke pitaji ki kuch jamin thhi jo shahukar ke pas thhi.Nana Nani anaj aur paisa dekar dono ki madad karte thhe.Ranjan school jata thha .Master ji log us ko padhai me pase dekar madad karte thhe Ranjan padhai me bahu tej thha.Uske mamaRanjan ke nam se kuch paise bima kara diye thhe taki aage ki padhai chal sake
Srija bahut choti thhi .Voh apne bhai ke sath rahna pasand karti thhi.Nani uski dekhbhal karti thhi.Ekbar Nana Nani ko kisi kam se apna ghar jana pada.Dono bachche akele rah gaye.Is liye Ranjan Srija ko apne sath school le gaya.Pahle sare master Ji log iske khilaf thhe lekin Ranjan ka khyal karke Srija ko sath lane ki anumati de di.Ranjan panchvi me padhta thha isliye voh Srija ko pahali kaksha me baitha diya.Srija ko dakhila mil gayee.
Ekdin Srija ki tabiyat kharab thhi.Ranjan ne usko padosi ke ghar chodkar school chala gaya.Aakar dekha Srija bukhar se tap rahi thi.Ghar me paise nahi thhe,Nana Nani bhi nahi thhe Ek vevas bhai bahan ke liye dava kahan se lata?usne lachar hokar apni kitabon ko le jakar bech diya aur us paise se dava le aaya.Srija thhik ho gayee lekin Ranja shool nahi jata thha Shool ke ek master Ji uske ghar pahunche. unhe pata chala ki Ranjan ne dava ke liye kitabe bech diya hai .Choti si Srija sari baten suni aur fir daudkar andar se kuch lekar aayee.Uske hathon me ek joda payal thha jo usko Nani di thhi.Usne bhai ko payal dete huye kaha ki bhai isko bechkar nayee kitabe le lo..Ranjan ne mana kar diya.Nanhi Srija ne kaha ,bhai is sal ki rakhi ki toufa hai .Dono bachche ek dusre ko lapet liye .Master Ji dono ko pas bulaya aur paise dekar kaha isse kitab le lena.Master ji doudkar bahar jate huye kaha are baapre aaj rakhi hai.Meri bahana bhi meri pratiksha kar rahi hogi?