ജീവൻ മുറുകെ പിടിക്കുന്നവർ… !
——————————————————————-=

നമുക്ക് എല്ലാർക്കും “മനസ്സ് ” എന്നൊന്ന് ഉണ്ട്. ആ മനസ്സിന് മുറിവുകൾ ഉണ്ടായാൽ എന്ത് ചെയ്യും? സാധാരണ നമ്മുടെ ശരീരത്തിന് അസുഖം വന്നാല് നമ്മളെന്ത് ചെയ്യും.? ഹോസ്പിറ്റലിൽ പോകും… ഡോക്ടറെ കാണും… മരുന്ന് വാങ്ങും… കഴിക്കും.. അസുഖം മാറും. ഇല്ലേ? അതേപോലെ വയ്യാതെ ആവുന്നത് നമ്മുടെ മനസ്സ് ആണെങ്കിൽ???

അല്ലാ.. ഈ മനസ്സിന്റെ വയ്യായ്ക ന്ന് വെച്ചാൽ അതെന്താ? എനിക്ക് അറിയുന്നത് പറയട്ടെ…., ചിലരിൽ അത് കാരണങ്ങൾ കൊണ്ട് ഉണ്ടാകും… ചിലരിൽ അവർക്ക് പോലും കണ്ടെത്താൻ കഴിയാത്ത കാരണങ്ങൾ കൊണ്ട് ഉണ്ടാകും.

നമുക്ക് ഇഷ്ടപ്പെട്ടതോ പ്രിയപ്പെട്ടതോ ആയ എന്തോ.. ഏതോ…, അത് ജീവൻ ഉള്ളത് ആവാം ജീവനില്ലാത്തത് ആവാം (സ്വപ്‌നങ്ങൾ, ആഗ്രഹങ്ങൾ, ജോലി അങ്ങനെ എന്തും )…അത് പെട്ടെന്നങ്ങ് നമ്മൾ പോലും ചിന്തിക്കാത്ത നേരം നഷ്ടപ്പെടുകയാണ്. ഉൾക്കൊള്ളാൻ കഴിയാത്ത വിധം സങ്കടം വന്ന് നമ്മളെ മൂടും. മ്മടെ മനസ്സ് ഒരായിരം കാര്യങ്ങളിലേക്ക് കാട് കേറും. മ്മടെ മനസ്സ് രണ്ട് രീതിയിൽ നമ്മളോട് സംവദിച്ച് കൊണ്ടേയിരിക്കും. ഒന്ന്.., അത് നമ്മളോട് നീയത് മറന്ന്.. അത് വിട്ട്.. മുന്നോട്ട് പോവാൻ പറയും. രണ്ട്…, അത് നമ്മളോട് നിനക്ക് ആരുമില്ല.. നിനക്ക് സ്വന്തമായി ഒന്നുമില്ല.. നീ ഇനി തനിച്ചാണ് എന്നൊക്കെയുള്ള നെഗറ്റീവ് പറഞ്ഞ് കൊണ്ടേയിരിക്കും. ഇതിൽ നമ്മൾ നമ്മുടെ ശ്രദ്ധ ഏതിലേക്ക് കൊടുക്കുന്നോ… അല്ലെങ്കിൽ ഈ രണ്ടെണ്ണത്തിൽ ഏത് നമ്മളെ കൂടുതലായി അതിലേക്ക് വലിച്ചടിപ്പിക്കുന്നോ.. അതായിരിക്കും പിന്നെ നമ്മൾ.

ഇതിൽ നെഗറ്റീവ് ചിന്തകളിലേക്ക് ആകർഷിക്കപ്പെടുന്ന നമ്മളിലേക്ക് വിഷാദം എന്ന അവസ്ഥ മെല്ലെ തുടങ്ങുകയായി.
...