വയസ്സ് 28 അത്യാവശ്യം സൗന്ദര്യമുള്ള ഒരു ചുരുൾ മുടിക്കാരൻ. ഈയടുത്താണ് അലെക്സിന് ഒരു ഓഫീസ് ജോലി കിട്ടിയത്. അധികം കൂട്ടുകാരൊന്നുമില്ലാത്ത ആരോടും അധികം സംസാരിക്കാത്ത ചെറുപ്പകാരൻ. ഓഫീസിൽ വൈകി എത്തുന്നത് കൊണ്ടും പ്രശ്നമൊന്നും ഇല്ലാത്ത ആളായത്കൊണ്ടും അലെക്സിന്റെ ബോസ്സായ ജോർജ് തന്റെ വീടിനടുത്തുള്ള അദ്ദേഹത്തിന്റെ പൂട്ടികിടക്കുന്ന ചെറിയ കുറച്ച് പഴക്കമുള്ള വീട് തന്നെ അലെക്സിന് താമസിക്കാൻ കൊടുത്തു. 2019 മാർച്ച്‌ 20 എന്നത്തേയും പോലെ അലക്സ്‌ ഓഫീസിൽ പോകാൻ ഇറങ്ങുന്ന സമയമാണ് തന്റെ ഫയൽസ് ഒക്കെ എലി മുറിച്ച രീതിയിൽ കാണുന്നത്. തന്റെ വായിൽ വന്ന തെറിയൊക്കെ വിളിച് ഇന്ന് നിന്നെ എടുത്തോളമെന്നും പറഞ്ഞ് അലക്സ്‌ ഓഫീസിലേക് പോയി. അവിടെ എത്തിയപ്പോൾ ബോസ്സിന്റെ കയ്യിൽ നിന്നും ആവിശ്യത്തിന് വഴക്കും കളിയാക്കലുകളും അവനു കിട്ടി. എന്നും ഇവനെ മറ്റുള്ളവർക് മുന്നിൽ വെച്ച് അയാൾ കളിയാക്കുമായിരുന്നു. തിരിച് വൈകിട്ട് വീട്ടിൽ പോയ അവൻ തന്റെ വീട് മുഴുവൻ അരിച്ചു പെറക്കി പക്ഷെ അവനു ഒരു പാറ്റയെ പോലും അവിടന്ന് കിട്ടിയില്ല. അവസാനമായി ഒരു മുറി കൂടി തുറക്കാൻ ബാക്കിയുണ്ട്. പക്ഷെ അത് പൂട്ടിയിട്ടിരിക്കുകയാണ്. ഇതുവരെ അവൻ ആ മുറി തുറന്ന് കണ്ടിട്ടില്ല. പക്ഷെ ഇന്നത് തുറക്കാൻ തന്നെ അവൻ തീരുമാനിച്ചു. അവന്റെ മുറിയിൽ പോയി തുരുമ്പ് പിടിച്ച ചാവിയുമായി അവൻ മുറിയുടെ മുമ്പിൽ എത്തി. അവന്റെ മനസ്സിൽ ചെറിയൊരു ഭയം ഇല്ലാതില്ല. വീട് കൊടുക്കുമ്പോൾ മുറി തുറക്കരുതെന്ന് പ്രതേകിച്ചു ആരും പറഞ്ഞിട്ടൊന്നുമില്ല. അത്കൊണ്ട് തന്നെ അവൻ തുറക്കാൻ തീരുമാനിച്ചു. തന്റെ കയ്യിലുള്ള ചാവി ധ്വരത്തിലേക് ഇട്ട് അവൻ തുറക്കാൻ കുറെ ശ്രമിച്ചു അവസാനം അത് തുറന്നു. ആകെ മാറാല പിടിച്ച ഇരുണ്ട ഒരു മുറി. തന്റെ കയ്യിലുള്ള ഫോണിന്റെ ലൈറ്റ് ഓണാക്കി അവൻ അകത്തേക്കു കടന്നു. പക്ഷെ അവന് അവിടെ നിന്ന് ഒരു എലിയെയും കിട്ടിയില്ല. പക്ഷെ വല്ലാത്തൊരു സുഗന്ധം ആയിരുന്നു ആ മുറികകത്. ഒരു കർപ്പൂരത്തിന്റെ സുഗന്ധം.
അവൻ നേരിയ ഭയത്തോടെ പുറത്തിറങ്ങുമ്പോൾ അവന് അവിടെ നിന്ന് ഒരു മാല കിട്ടി. കറുത്ത ചരടിൽ വെള്ളിയുടെ താലികൊണ്ടുള്ള ഒരു മാല. അവൻ അതും എടുത്ത് പുറത്തേക്കിറങ്ങി. പക്ഷെ ഇന്ന് ഓഫീസിൽ നടന്ന സംഭവം അവനെ വല്ലാതെ അസ്വസ്ഥാനകിയിരുന്നു. അവൻ ഷെൽഫിൽ നിന്നും തന്റെ ഗുളികയുടെ കവർ എടുത്ത് നോക്കി എന്നാൽ ഗുളിക തീർന്നിരുന്നു. ചില മാനസിക ബുദ്ധിമുട്ടുകൾ ഉള്ളത് കൊണ്ടാവാം അവൻ അതിന്റെ മരുന്ന് എടുക്കാറുണ്ടായിരുന്നു. അങ്ങനെ നാളെ വാങ്ങാമെന്നും മനസ്സിൽ വിചാരിച്ച് അവൻ കിടക്കാനായി റൂമിൽ പോയി. സമയം ഒരു 12 മണി ആയിട്ടുണ്ടാവും. പെട്ടെന്ന് പവർ കട്ടായി.അലക്സ്‌ നന്നായി വിയർത്തിരുന്നു. ഇടയ്കിടയ്ക് പവർ പോവാറുള്ളത്കൊണ്ട് അവൻ വലിയ കാര്യമാക്കിയില്ല. പെട്ടെന്നാണ് അവൻ എന്തോ ഒരു ശബ്ദം കേട്ടത്. അവൻ ആദ്യം ഒന്ന് ഞെട്ടിയെങ്കിലും അവൻ എലിയാണെന്ന് വിചാരിച്ച് അവിടെ തന്നെ കിടന്നു. "അലക്സ്‌ " അവനെ ആരോ വിളിക്കുന്നതായി അവന് തോന്നി.അവൻ പതുക്കെ കട്ടിലിൽ നിന്നും എഴുന്നേറ്റു. തന്റെ ഫോൺ എടുത്ത് ലൈറ്റ് ഓണക്കാൻ നോക്കി. പക്ഷെ എത്ര ശ്രമിച്ചിട്ടും അവന് ഫോൺ എടുക്കാൻ പറ്റുന്നില്ല. തന്റെ കൈകുളിലേക്ക് ആ ഫോൺ വരുന്നില്ല. എന്താണ് ഇത്. അവന് ഒന്നും മനസ്സിലാവുന്നില്ല. തിരിച് കട്ടിലിൽ നോക്കിയ അവൻ ആകെ ഞെട്ടി പോയി. അവന്റെ ശരീരം അവിടെ തന്നെ കിടക്കുന്നുണ്ട്.
ആകെ പേടിച്ചു പോയ അവൻ വീണ്ടും അവനെ വിളിക്കുന്നത് കേട്ടു. "അലക്സ്‌ "
അവൻ പേടിച്ചു വിറച്ച ശബ്ദത്തോടെ തിരിച്ചു ചോദിച്ചു "ആരാണ് നീ ".
തിരിച് ആ ശബ്ദം അവനോട് പറഞ്ഞു "നീ.നിയാണ് ഞാൻ."അവന് ഒന്നും മനസ്സിലായില്ല. ആ ശബ്ദം പിന്നെയും അവനോട് സംസാരിക്കാൻ തുടങ്ങി."നിനക്ക് നിന്റെ അച്ഛനും അമ്മയും ആരാണെന്ന് അറിയണ്ടേ. നിനക്ക് ഇ ലോകം ഞാൻ കാണിച്ചുതരാം. നിനക്ക് എന്നും മറ്റുള്ളവർക് മുന്നിൽ തല കുനിച്ചു നിന്നാൽ മതിയോ."."വരൂ അലക്സ്‌ ".
എന്നാൽ അലക്സ്‌ നന്നായി തന്നെ ഭയന്നിരുന്നു. പെട്ടെന്ന് അവന്റെ ടേബളിൽ നിന്നും ഒരു പ്രകാശം കത്തുന്നതായി അവന്റെ ശ്രദ്ധയിൽ പെട്ടു. ആ പ്രകാശത്തിന്റെ തീവ്രത കൂടി കൂടി വന്നു.അവൻ അതിനകത്തേക് പോവുന്നത് പോലെ അവന് തോന്നി.
ഇപ്പൊ വർഷം 1991 പീടികതിണ്ണയിൽ കിടന്ന അലെക്സിന്റെ മുഖത്തേക് മഴ തുള്ളികൾ ഇറ്റ് വീണു.അലക്സ്‌ പെട്ടെന്ന് ഞെട്ടി എഴുന്നേറ്റു. തികച്ചും ശാന്തമായ അന്തരീഷം. ചുറ്റും ചെറിയ ചെറിയ കടകൾ. ശബ്ദകോലാഹലങ്ങൾ ഇല്ല. ആകെ ഒരു മാറ്റം അവനനുഭവപ്പെട്ടു. അവന് ഇദെന്താണ് സംഭവിക്കുന്നത് എന്നൊന്നും മനസ്സിലാവുന്നില്ല. അവൻ അവന്റെ മുമ്പിലുള്ള ആളുകളോട് സംസാരിക്കാൻ ശ്രമിക്കുന്നുണ്ടെങ്കിലും അവന്റെ ശബ്ദം അവർ കേൾക്കുന്നില്ല. അവന്റെ ശരീരത്തെ അവർ കാണുന്നില്ല. കാരണം അവന്റെ ശരീരം ഇപ്പോഴും അവന്റെ വീട്ടിൽ തന്നെ ഉണ്ട്. താൻ ഇതെവിടെയാണ്. എന്താണ് തനിക്ക് ചുറ്റും സംഭവിക്കുന്നതെന്നറിയാതെ അവൻ അങ്ങോട്ടുമിങ്ങോട്ടും നടക്കാൻ തുടങ്ങി. ചുമരുകളിലൊട്ടിച്ച പഴയ കാല സിനിമ പോസ്റ്ററുകളും ആളുകളുടെ വേഷവും അവൻ ഇപ്പൊ പഴയ കാലത്താണെന്ന ബോധത്തിലേക് അവനെ എത്തിച്ചു. അവന് തിരിച് എങ്ങനെയെങ്കിലും തന്റെ ശരീരത്തിലേക് എത്തണം അതായിരുന്നു അവന്റെ ലക്ഷ്യം. അതിന് വേണ്ടി അവൻ അവന്റെ വീട് ലക്ഷ്യമാക്കി നടന്നു. പക്ഷെ അവിടെ ബോസ്സായ ജോർജിന്റെ വീട് വലിയൊരു തറവാടായിരുന്നു. അവിടെ നിന്ന് ആരൊക്കെയോ രണ്ടുപേർ സംസാരിക്കുന്നത് കേട്ട് അലക്സ്‌ അങ്ങോട്ടേക് നടന്നു. അത് ജോർജും ഭാര്യയും ആയിരുന്നു കുടുംബ സ്വത്തിനെപ്പറ്റി സംസാരിക്കുകയാണവർ. അലക്സ്‌ അവരോട് സംസാരിക്കാൻ ശ്രമിക്കുന്നുണ്ടെങ്കിലും അവനെ കാണാനോ കേൾക്കാനോ അവര്ക് കഴിഞ്ഞില്ല. ഒരു നിമിഷം നിസ്സഹായനായി നിന്നവൻ കരഞ്ഞുപോയി.
അപ്പോഴാണ് അവൻ ജോർജിന്റെ കഴുത്തിലുള്ള ആ മാല ശ്രദ്ധിക്കുന്നത് അവന് ആ മുറിയിൽ നിന്നും കിട്ടിയ അതെ മാല. ചിലപ്പോൾ ഇ മാല നശിപ്പിച്ചാൽ എല്ലാം പഴയത് പോലെ ആവുമായിരിക്കും എനിക് ശരീരത്തിലേക് തിരിച്ചെത്താം എന്നവൻ കരുതി. അതിനുവേണ്ടി അവൻ അയാളുടെ പിറകിൽ തന്നെ കൂടി. അവൻ താൻ താമസിച്ചിരുന്ന വീട്ടിലേക് പോയി നോക്കി. പക്ഷെ അവനോ അവന്റെ സാധനങ്ങളോ ഉണ്ടായിരുന്നില്. പകരം ബോസ്സിന്റെ വീട്ടിലെ പഴയ സാധനങ്ങളൊക്കെ വെക്കുന്ന ഒരു ചെറിയ വീട്.
പെട്ടെന്നായിരുന്നു അവിടേക്കു ഒരു സ്ത്രീ കടന്ന് വരുന്നത്. സുന്ദരിയായ പൂച്ചക്കണ്ണുകളുള്ള ചുരുൾ മുടിയും വെളുത്ത ശരീരവും ഉള്ള ഒരു സ്ത്രീ. പക്ഷെ അവരെ ഇതുവരെ അലക്സ്‌ കണ്ടിട്ടെ ഇല്ല. അവരുടെ അടുത്തേക് അലെക്സിന്റെ ബോസ്സ് (ജോർജ് )ഉം വന്നു. "എന്തായി ഞാൻ പറഞ്ഞത് ". ജോർജ് അവളോട് ചോദിച്ചു."വേണ്ട അതൊന്നും ശരിയാവില്ല "നിങ്ങൾ എന്റെ ചേട്ടന്റെ മകളുടെ ഭർത്താവാണ് ആ നിങ്ങളെ ഞാൻ എങ്ങനെ സ്നേഹിക്കാനാണ് ". ഇതറിഞ്ഞാൽ ചേട്ടൻ എന്നെ വെറുക്കും "ആ സ്ത്രീ അയാളോട് ഒരു വിഷമത്തോടെ മറുപടി കൊടുത്തു.
"ചാരുലത നീ ഞാൻ പറയുന്നത് ഒന്ന് മനസ്സിലാക്കു അവരാരും ഒന്നും അറിയാൻ പോവുന്നില്ല നമ്മൾക്ക് ഇവിടെ നിന്ന് എവിടേക്കെങ്കിലും ഒളിച്ചോടാം. ആരും അറിയാതെ ജീവിക്കാം "അയാൾ എന്തൊക്കെയോ പറഞ്ഞ് അവളുടെ മനസ്സ് മാറ്റി. ജോർജിന്റെ ഭാര്യയുടെ അച്ഛന്റെ അനുജത്തിയാണ് ചാരുലതയെന്ന് അലെക്സിന് അവരുടെ സംസാരത്തിൽ നിന്നും മനസ്സിലായി. ഭർത്താവ് മരിച്ചു ഇപ്പോ ഇവരുടെ കൂടെയാണ് താമസം.സംസാരിച്ചു കൊണ്ടിരുന്ന അവരുടെ കഴുത്തിലേക് ജോർജ് തന്റെ കഴുത്തിൽ ഉള്ള മാല കെട്ടികൊടുത്തു. ആ മുറിയിൽ വെച്ച് അവർ തമ്മിൽ ശാരീരിക ബന്ധത്തിൽ ഏര്പെടാൻ പോവുകയാണെന്നറിഞ്ഞ അലക്സ്‌ ആ മുറിയിൽ നിന്നും പുറത്തിറങ്ങി. തന്റെ ശരീരത്തിൽ എത്താൻ അലക്സ്‌ വഴികൾ നോക്കികൊണ്ടേയിരുന്നു. കുറച്ച് ദിവസങ്ങൾക് ശേഷം ചാരുലത ഗർഭിണിയാണെന് ജോർജിനോട് പറഞ്ഞു.പക്ഷെ അയാൾ ഒരു ചതിയാനായിരുന്നു സ്വത്തിനു വേണ്ടി അയാൾ ഇവളെ ചതിക്കുകയായിരുന്നു. ഇവരുടെ സംസാരം കേട്ട് അവിടേക്കു വന്ന അയാളുടെ ഭാര്യയോട് ചാരുലത ഒരു മോശം പെണ്ണാണെന്നും ആരുടെയോ കുഞ്ഞിനെ വയറ്റിലാക്കി എന്റേതാണെന്നും പറയുകയാണെന്നും അയാൾ പറഞ്ഞു. ഇത് കേട്ട് അവളെ ആ വീട്ടിൽ നിന്ന് എല്ലാവരും പുറത്താക്കി. ഇതൊക്കെ കാണാനല്ലാതെ അലെക്സിൻ തിരിച് പ്രതികരിക്കാൻ കഴിഞ്ഞില്ല.ഇതൊക്കെ ചാരുലതയെ തളർത്തിയെങ്കിലും അവൾ ഒരാൺകുഞ്ഞിന് ജന്മം നൽകി. പക്ഷെ അവിടെയും അയാൾ എത്തി.അവളെയും അവനെയും കൊല്ലാൻ നോക്കി.അവൾ ആ കുഞ്ഞിനെ അയാൾക് കൊടുക്കാൻ തയ്യാറായില്ല.ഒരുപാട് സങ്കടത്തോടെ അവൾ ആ കുഞ്ഞിനെ ഒരനാഥാലയത്തിന് മുന്നിൽ ഉപേക്ഷിച്ചു. പക്ഷെ അവളെ അയാൾ കൊന്നു. വെട്ടി തുണ്ടം തുണ്ടമായി കൊന്നു. അതിന് ശേഷം അലക്സ്‌ തുറന്ന ആ മുറിയിൽ കുഴിച്ചിട്ടു.
2019മാർച്ച്‌ 26 ജോജിന്റെ വീടിന് മുന്നിൽ പോലീസും ഒരുപാട് ആൾക്കാരും കൂട്ടം കൂടിയിട്ടുണ്ട്. അയാളുടെ ഭാര്യയും മക്കളും ഇരുന്നു കരയുന്നുണ്ട്. ജോർജിനെ കാണാനില്ല.പോലീസ് നായ മണം പിടിച് അലക്സിന്റെ വീടിന് മുന്നിൽ എത്തി. വാതിലിൽ മുട്ടുന്നുണ്ടെങ്കിലും ആരും തുറന്നില്ല. പോലീസ് വാതിൽ ചവിട്ടി തുറന്നു. പക്ഷെ കയ്യിൽ കത്തിയുമായി ചോര പുരണ്ട ശരീരത്തിൽ തല കുത്തനെയിട്ട് അലക്സ്‌ ഇരിക്കുന്നത് കണ്ട് എല്ലാവരും ഞെട്ടി. തൊട്ടടുത്ത മുറിയിൽ പ്ലാസ്റ്റിക് കവറിൽ ജോർജിന്റെ ശരീരം കഷണങ്ങളകി വെച്ചിരിക്കുന്നു. രണ്ടു പോലീസ് ഓഫീസർസ് വന്ന് അവനെ പിടിച്ചെഴുനേൽപ്പിച്ചു. അവൻ നിസ്സഹായനായിരുന്നു. അവന് തന്നെ അറിയില്ല തനിക് എന്താണ് സംഭവിച്ചതെന്ന്. അവൻ ഒരു പാസ്റ്റിലേക്കും പോയിരുന്നില്ല. അവൻ ബോസ്സിനോടുള്ള വെറുപ്പ് കാരണം അവന്റെ മനസ്സിൽ തന്നെ സൃഷ്‌ടിച്ച ഒരു കഥയായിരുന്നു ഇതൊക്കെ.പക്ഷെ അത് അവനെ ഒരു സൈക്കോകില്ലർ ആക്കി തീർത്തു. അവൻ പോലീസ് ജീപ്പിലേക് കയറുമ്പോഴും അവന്റെ മുഖത്തു അയാളോടുള്ള അടങ്ങാത്ത വെറി ആയിരുന്നു. ജോർജിന്റെ ഭാര്യയും മക്കളും കരഞ്ഞു കൊണ്ടിരിക്കുന്നു. പക്ഷെ അവരുടെ അടുത്ത് ചുമരിൽ ചാരുലതയുടെ ഫോട്ടോയും ഉണ്ടായിരുന്നു.......junaidaismail#
© junaida