പതിവിലും നേരത്തെ ഇന്നെഴുന്നേറ്റു..സമയം എന്നെക്കാള്‍ വേഗത്തില്‍ ഓടുന്നുണ്ടായിരുന്നു.ഒരു യാത്ര പോകണം.യാത്രയോടെന്നും എനിക്ക് പ്രണയമാണ്.എന്നാല്‍ യാത്രയെ പ്രണയിക്കാന്‍ പഠിപ്പിച്ചത് അവളായിരുന്നു.ലക്ഷ്യം അവളായത് കൊണ്ട് ഇന്നലെകള്‍ പോലും ഉറക്കമില്ലാതെ എനിക്ക് കൂട്ടിരുന്നു.ഒറ്റയ്ക്കുള്ള യാത്ര ഒഴിവാക്കാന്‍ ചങ്കിനെയും കൂട്ടണം.പ്രശ്നങ്ങൾ നിറഞ്ഞ ജീവിതത്തില്‍ നിന്നും എന്നെ എന്നും രക്ഷപ്പെടുത്തിയിരുന്നതും ഒരു നിഴല്‍ പോലെ കൂടെയുണ്ടാകുന്നതും അവനാണ്.എന്റെ സ്വന്തം ബെെക്ക്...
നേരം വെെകിച്ചില്ല,അവനെയും കൂട്ടി ഇറങ്ങി.പോകുന്ന വഴികളിലെല്ലാം അവളാണ്..അവള്‍ തന്ന തണുപ്പുള്ള ഓ൪മകളാണ്..രാത്രി മയങ്ങുംമുമ്പേ എത്തണം..കുറെ ദൂരം ചെന്നു..അവളുടെ സാമീപ്യം ഒരു തെന്നലായി എന്നെ തലോടി..കറുത്ത കാടുകള്‍ താണ്ടി പെെന്‍ മരങ്ങള്‍ക്കിടയിലൂടെ അവനെയും കൊണ്ട് കിതച്ചോടി ഞാൻ..മലകള്‍ തഴുകിയെത്തുന്ന കാറ്റിന് അവളുടെ ഗന്ധമുണ്ട്..കെെയ്യെത്തും ദൂരത്ത് അവളെ ഞാന്‍ കണ്ടു.തേയിലച്ചെടികളുടെ ഇടയില്‍ മാനത്തോളം ഉയ൪ന്നു നില്‍ക്കുന്ന പെെന്‍ മരങ്ങള്‍ക്കിടയില്‍ നിശബ്ദമായ കാടുകളാല്‍ ചുറ്റപ്പെട്ട് തണുത്ത് മരവിച്ചുകിടക്കുന്ന അവളെ.. നീലഗിരി..
അവളൊരു സുന്ദരിയാണ്..അവളുടെ സൗന്ദര്യം നിറഞ്ഞുനില്‍ക്കുന്ന പുഷ്പങ്ങളാണ്..അവളില്‍ നിറഞ്ഞ മരവിക്കുന്ന തണുപ്പാണ്..കാടുകളാണ്..
അതിതീവ്രമായ പ്രണയമാണ് അവളോടെനിക്ക്..
© കാദംബരി