शाळा हा शब्द आजही उच्चारला तर आपल्याला आपले शाळेचे दिवस आठवतात ; त्या मित्रांसोबत केलेल्या मौजमजा, मैदानावर घालवलेला वेळ, गृहपाठ पूर्ण नव्हता म्हणून मिळालेली शिक्षा आणि म्हणूनच कठोर वाटणारे ते शिक्षक असे बरेच काही... वर्षभर छान उपक्रमांसोबतच अभ्यास पण चालायचा आणि मग यायच्या परीक्षा. अशा या परीक्षांच्या वातावरणात पण एक वेगळीच मजा असायची आणि परीक्षेत चांगले गुण मिळाले पाहिजे म्हणून जबरदस्तीने म्हणा किंवा आनंदाने अभ्यास करावाच लागायचा.
         आता याच शाळेत कमालीचा बदल जाणवत आहे शाळेतील काळ्या फळ्याची जागा व्हाइट बोर्ड ने घेतली आहे. काही ठिकाणी तर अगदी डिजिटल बोर्ड झाले आहे . सर्व एकदम छान चालले असताना कोरोनामुळे संपूर्ण चित्र पालटून गेले .... अभ्यासक्रम अर्द्या मधातून सोडून द्यावा लागला , मैदानावरचा विद्यार्थांचा आवाज गायब झाला आणि काय तर विद्यार्थी डिजिटल लार्निंग करतोय.पण हे डिजिटल लार्निंग कितपत योग्य...