Logo ko hamesha yeh chahat rahti hai ki voh hamesha sundar vastuyen prapt kare.Oos chahat ke liye voh chesta bhi karte hain, unko dar rahta hai ki jis chij ko voh pana chahta hai usko unse koi chhin na le.
Sundarta ke diwano ko yeh malum nahi ki agar voh usko pa bhi lega tobhi usko khona hi padega.Kisi karan voh unchijon se bichood hi jayega.Sundar chijon ko pana har manav ke andar ki swabhav hai.
Murkh manav,usko yeh pata nahi hai ki unke andar ek sundar man hai, ek sundar aatma hai.Sundar bhavnayen hain saath sundar kalpanayen hain.Voh to oos mrig ke saman hai jiska sharir kastoori dharan kiye huye rahta hai aur uska sugandh dusron ko milta hai lekin usko pata nahi chalta hai
Sundar chij ko pana achchi bat hai,kyunki satya sundar hai aur satya hi Ishwar hai, jo sundar hai jise pane ke liye logo ka prayash rahta hai.

Lekin sawal yeh oothta hai Ishwar rupi sundarta jo sara brahmand me faila hai usko kaise prapt kare ?Yeh sundarta brahmand me kahan hai, kaise jane?Usko pane ke liye kahan kahan bhatke?Aur ek sawal mere man ko tatolta rahta hai ki sara brahmand ko chaan marne ke bad bhi voh hame milega ya nahi?
Jab man me eisi aashanka hai tab ham itna parishram kyun karenge.Achanak mera man bol pada,oh murkh,kyun na shanti se apne aas paas ke logo ko, chijon ko dekho.Dekhna tum jis chij ko khoj rahe ho mil jayegi Ho sakta hai tumhare paas koi garib khada hai, usko thiq se dekho.Ho sakta hai uska koi bahri sundarta nahi hai magar dekhna uske chehre par shanti rupi sundarta faili huyee hai .Chehre par sachchai hai, imandari hai.usko pahchano,samjho,Ishwar to usme bhi hai.Man fir bola sadak par khelte huye bachchon ko dekho.Unke man me na chhal hai aur na hinsa hai.Yeh bachche kya kam sundar hai
Apne parivar ke logo ko deho.voh apne rishton ko bahut hi sundar dhang se nibhate hain.Ma,bhabhi, bahan,beti aur patni sabhi sundarta ka hi ek rup hai.Ataev sundarta ya ni Ishwar ko khojne ke liye bhatakna nahi hai,voh to jaj jaj me base huye hain.