Continued from previous:-

Dimple to Ram:- Suno Ram, ghar par kisi ko mat batana jo aaj hua. Sab bewajah pareshaan ho jaayenge.

Ram:- Haan me bhi yahi kehne waala tha.

Both enters home. Meenakshi aunty asks about their evening.

Meenakshi aunty:- To Ram kesa laga ghoom kar. Bhutta khaaya tumne?

Ram:- Haan meenu maa. Sab theek tha.

Dimple:- Arre jaan kuch ni, bas ye thakk gaya hai. Jaao Ram tum jaao apne room me. Rest kar lo. Good night.

Ram:- Good night meenu maa, good night Dimple.

Meenakshi aunty:- Ajeeb ho tum dono. Gaye to aese khush hokar the aur aaye aese murjhaaye hue. Tum bacchon ka to samajh hi nahi aata hai.
Jaao ab tum bhi room me, guddu. Kal mujhe school bhi jaana hai. Good night aur so jaana time se, ulluon ki tarah jaagti rehti ho.


Dimple:- Haan jaan so jaungi waqt se. Good night. Darr lage to mujhe aawaaz dena.

Meenakshi aunty:- Darpok to tum ho. Abhi bhi tumhe masti soojh rahi hai. Jaao ab.

Both left for their rooms.


Dimple is writing in her diary:-

Daksh pata hai aaj kitna kuch ho gaya. Ek hi din me kuch zyada hi ulatfer ho gaye. Khadoos Oberoi har baar tumhaari yaad dilaata hai. Par ek baat kahun daksh, wo dil ka bura nahi hai. Kabhi kabhi halaat hame patthardil bana dete hain. Pata nahi par usse nafrat kar paana mumkin nahi hai. Aaj bhi jab usne chor ki pitaayi ki, mujhe tum yaad aa gaye. Umeed karti hoon tum jahan bhi ho theek ho. Aur ek wish aur hai bhagwan ji se, uncle ne jo mannat maangi thi khadoos Oberoi ke liye, wo poori ho jaaye. Everyone deserves to be happy, hai na daksh. Wese Daksh mujhe to khadoos Oberoi thoda flirty kisam ka bhi lagta hai. Ajeeb hai par dil ka bura to sach me nahi hai. Aur bhagwaan ji aap iss baar college me Ram ke liye koi Sita dhoond dijiye. Warna ek dhang ka dost hai, kahin wo bhi akelepan me khadoos Oberoi jesa na ho jaaye, who knows, hai na bhagwaan ji.

Suddenly there is a short knock on her door. It was Ram.

Dimple:- Ram, tum. Kya hua, kuch chahiye. Neend nahi aa rahi kya. (She hides her diary)

Ram:- Haan ab tum diary chhupa lo. Daksh ko hi letter likh rahi thi na. Tum usse aage kyon nahi badhti ho Dimple. Sirf dedh saal saath thi tum uske. Usko bhool kyon nahi jaati ho. Wo to kab ka aage badh chuka hoga, aur ek tum ho
( he says this while entering the room)


Dimple:- Bas Ram, aur kuch mat bolna warna abhi ladayi ho jaayegi. Tum nahi samjhoge. Jab kisise pyaar hoga na tumhe tab batana mujhe. Pyaar ki gehraayi iss baat se tay nahi hoti hai ki aap uske saath kitne waqt tak rahe.
Usse dekhti thi na to aesa lagta tha khud me jhaank rahi hoon me. Jese hamesha se jaanti hoon use. Jaane kabse. Tum nahi samjhoge Ram.

Aur me to chahti hi hoon ki wo aage badh jaaye. Mere jesi ladki ke saath kyun koi apni zindagi barbaad kare, haan.


Ram:- Bas Dimple( he says in an angry tone), theek hai tumhe nahi uske khilaaf sunna to. Par apne liye aesa aur ek shabd mat kehna warna sach me ladayi ho jaayegi.


Dimple:- Ladne aaye ho tum. Hua kya hai Ram. Baat mat karo mujhse. Jaao tum. Katti.

Dimple turns her back towards him, staring outside the window.

Ram comes towards her, face to face, he sits on his knees. Holding his ears with his hands he says, sorry yaar. Maaf kardo. Aage se aesa nahi hoga. Muh mat fulaao dimple, dil me bada dard hota hai.

Dimple:- Ohh filmy insaan, ye dialoguebaazi band karo ab. Me bada yahan naraaz thi. Me to bas sabak seekha rahi thi tumhe. Hahahaheehehee.

Ram:- Acha beta hamse gaddari. Rukko tum.

And then starts their pillow fight.

Dimple:- Bas bas Ram, ruk jao, thakk gyi me, she says while trying to grasp her breath.


Ram:- Hmm, jaane deta hoon aaj. Next time kuch utt pataang mat bolna khud ke liye.

Dimple:- Tum bhi mat bolna, uske liye, she says while rolling her eyes at him.

He leaves the room wishing her good night.

At Daksh's House:-

Onkar Oberoi (Daksh's father) :- Aa gaye beta tum. Aaj bahut der kar di. Kahan reh gaye the.

Daksh:- Kuch nahi dad, bas aese hi. Aapne khaana kha liya.

Onkar :- Haan beta mene to khaa liya, tumhara khauf jo itna hai. Tumhara khaana lagwa doon.

Daksh:- Nahi dad, bhookh nahi hai. Me thakk gaya hoon dad. Good night.

Daksh leaves for his room.

Onkar to self:- Daksh ko kya ho gaya. Ajeeb sa hi bartaav kar raha hai. Pata nahi kahan khoya hua hai. Hey bhagwaan, mere bete ki zindagi me subah kab hogi.

Daksh's POV:-

Dimple tumhe itne saal baad mila, mujhe to khushi se paagal ho jaana chahiye. Par me poora khush nahi hoon, aesa kyun?
Tumhe kho dene ka darr mere chaaron taraf samudra ki lehron ki tarah shor macha raha hai.
Kahin meri jagah Ram ne to nahi le li tumhare dil me. Aur ho bhi kyun na, me kahan tha tumhari zindagi me. Jab jab tum royi hogi, me kahan tha. Jab jab tum khilkhila kar hansi hogi, me kahan tha. Jab tumhe meri sabse zyada zarurat rahi hogi, me kahan tha.
Me tumhe khona nahi chahta hoon. Tumhaari yaadon ke sahaare to zinda hoon ab tak.





"Agar mohabbat ka paimaana saalon ke saath se taiy hota to shayad kayi saal ki shaadi ke rishte ke baad koi talaak hi nahi hota. Sache ishq ko saalon ki stamp ki zarurat hi nahi.
Jese samudra ki lambaayi se zyaada uski gehraayi maayne rakhti hai, wese hi mohabbat ke liye saalon ke saath ki jagah uss saath ki gehraayi maayne rakhti hai."

#DakshDimple

© Gauri_68