ടോണിയുടെ വീട് ആഘോഷ ലഹരിയിൽ ആയിരുന്നു, ആൾക്കാരൊക്കെ വന്ന് തുടങ്ങി, "ചേട്ടാ ആ സാധനങ്ങൾ ഒക്കെ എന്റെ മുറിയിൽ കൊണ്ട് വെച്ചാൽ മതി, പിന്നെ കൊറച്ച് സാധനങ്ങൾ കൂടി പുറത്ത് നിന്ന് വാങ്ങണം...., ഞാൻ ലിസ്റ്റ് തരാം..... ", അപ്പോൾ ഒരാൾ അങ്ങോട്ടേക്ക് ചെന്നു, "ടോണി ആ പാട്ട് പാടാനുള്ള ആൾക്കാരൊക്ക ഇപ്പൊ എത്തും.... ", "ആ വർക്കി ചേട്ടാ....., ചേട്ടൻ ഇവിടെ തന്നെ ഉണ്ടാവണം, അവർക്കുള്ള മുറി മേലെ ശരിയാക്കി വെച്ചിട്ടുണ്ട്, എനിക്ക് ഒന്ന് പുറത്ത് പോണം, അത് കൊണ്ട് ചേട്ടൻ വരുന്നവരെയൊക്കെ ഒന്ന് മാനേജ് ചെയ്യണം, പിന്നെ ആ പാട്ടുകാരുടേയും.... ", "ആ അതൊക്കെ ഞാൻ നോക്കാം..., നീ വേഗം പുറത്ത് പോയിട്ട് വാ...., ഇപ്പൊ തന്നെ സമയം ആറ് മണി കഴിഞ്ഞു, പോയിട്ട് പെട്ടെന്ന് വാ.... ".
സമയം എട്ടുമണിയോടടുത്തു, മെറൂൺ ലെഹങ്കയിൽ അന്ന അതിസുന്ദരി ആയിരുന്നു, പാട്ട് തുടങ്ങി, "കല്യാണ പെണ്ണിന്റെ ചേട്ടാ..... ", "മച്ചാനെ....., ഇത് എന്താ വൈകി പോയത്......, ഞാൻ പറഞ്ഞില്ലേ നേരത്തേ എത്തണമെന്ന്..., മച്ചാൻ ഇന്ന് കുറച്ചു കൂടി ഗ്ലാമർ ആയിട്ടുണ്ട്...., എന്ന് വെച്ച് ഇവിടെ വരുന്ന പെൺ പിള്ളേരെ വായിനോക്കാൻ നിൽക്കണ്ട..., എല്ലാരും എന്റെ സ്വന്തക്കാരാ....... ", "അതൊക്കെ പോട്ടെ എവിടെ കല്യാണ പെണ്ണ്....? ", "മച്ചാൻ വാ..... ", "അന്നാ...., ഇതാരാ എന്ന് നോക്കിയേ.... ", "മിസ്റ്റർ ജോൺ പോളിന് ഈ വഴിയൊക്കെ ഓർമ്മയുണ്ടോ.......", "ഓർമ്മയൊക്കെ ഉണ്ട് ആദ്യം നീ ഈ ഗിഫ്റ്റ് പിടിക്ക്....., വിഷ് യു എ ഹാപ്പി മാരീഡ് ലൈഫ്..... ", അവൾ അത് വാങ്ങി കൊണ്ട്, "താങ്ക്യൂ ബ്രദർ....... ",
"എവിടെ അമ്മച്ചിയും അപ്പച്ചനുമൊക്കെ....? ", "അവര് രാവിലെ പള്ളിയിൽ എത്താം എന്നാ പറഞ്ഞേ....... ", "ഹലോ ടോണി..........", "നമ്മടെ ഡിപ്പാർട്മെന്റിലെ എല്ലാരും ഉണ്ടല്ലോ....., ", "ഞങ്ങൾ കുറച്ചു നേരത്തേ എത്തി ആശാനേ...., എങ്ങനെ രണ്ടെണ്ണം അടിച്ചാലോ....., എന്താ ടോണി സാധനം റെഡി അല്ലേ.... ", "സാധനം ഒക്കെ സെറ്റ് ആണ്...., ബട്ട്‌ അപ്പൻ കണ്ടാൽ ഒരു തുള്ളി പോലും കിട്ടില്ല..... ", "എന്നാ പിന്നെ ആരും കാണാതെ വെള്ളം അടിക്കാൻ പറ്റിയ ഒരു പ്ലേസ് പറ..... " , "നമുക്ക് എന്റെ റൂമിൽ നിന്ന് അടിക്കാം..., അവിടെയാ കുപ്പി ഉള്ളത്, പക്ഷേ അമ്മച്ചി അറിഞ്ഞാൽ പെടും......", "അതൊക്കെ നമുക്ക് മാനേജ് ചെയ്യാം വാ പോകാം... ", "നിങ്ങൾ അടിച്ചോ എനിക്ക് വേണ്ട..... " , "മച്ചാനെ......, എന്താ പറയുന്നെ വേണ്ട എന്നോ....., അതൊന്നും പറഞ്ഞാൽ പറ്റില്ല ഇന്ന് ഒരു നല്ല ദിവസമായിട്ട്....., വാ...... ", "ഞാൻ അടിച്ചാൽ എന്തായാലും കൂടും....., കൂടിയാൽ പിന്നെ ശെരിയാവില്ല......, നിങ്ങൾ ചെല്ല്....., ഞാൻ പാട്ടൊക്കെ കേട്ട് സ്റ്റേജിന് അടുത്ത് ഉണ്ടാവും....,", പെട്ടെന്ന് ടോണി, "മച്ചാനെ ദേ....., ടീച്ചർ വരുന്നു.... ", "ടീച്ചറോ....., ഏത് നീ പറഞ്ഞ നമ്മടെ ജോണിന്റെ ആളോ.....? ", "അത് കേട്ട് ജോൺ... ", "ടോണി......., നീ ഇവരോട് എന്താ പറഞ്ഞേ.... ", "ഒന്നുല്ല വെറുതെ ഒരു തമാശ...... ", "നീ മിക്കവാറും എന്റെ കയ്യിൽ നിന്ന് വാങ്ങിക്കും..... ", അപ്പൊ നിങ്ങളൊക്കെ എന്റെ മുറിയിൽ പോ...., ഞാനും മച്ചാനും ടീച്ചറോട് ഒന്ന് മിണ്ടിയിട്ട് വരാം.... ", "അപ്പൊ ശെരി...., ജോൺ ബെസ്റ്റ് ഓഫ് ലക്ക്... ", ബാക്കിയുള്ളവർ മുറിയിലേക്ക് പോയി, ടോണിയുടെ ഷർട്ടിൽ പിടിച്ചു കൊണ്ട് ജോൺ പറഞ്ഞു, "ഡാ...., നിനക്ക് എന്തിന്റെ സൂക്കേടാ.... ", "പിടി വിട് മച്ചാനെ....., ആൾക്കാരൊക്കെ ശ്രെദ്ധിക്കും......, വാ നമുക്ക് പോയിട്ട് ഒന്ന് സംസാരിക്കാം..... ".




© ANJU