Bharat mein rishvat ka bura haal hai. police vale ko kai bar choukon pr truck drivers se 50/100₹ chup chap pakad kar jeb mein rakhte dekha hai. Aise hi kuch kisse jo mere sath huye apke samne hain.
Ek bar meri health theek nhi thi hum PGI Chandigarh ja rhe the. june ki garmi thi ,dhoop bahut jyada thi . Main back seat par so rhi thi dhoop rokne ko maine car windows par black sunshades laga rakhe the. Ek chounk par humein rok liya .
police,"apka chalan hoga apne ye lagaye hain."
my husband,"sir meri wife bimar hai hum PGI ja rhe hain."
police ,"nhi chalan to katega hi."
unki batein sun kar main bahar nikalne lagi to police vale ne mujhe nikalne nhi diya. Inse bola," aisa kijiye aap 500₹de dijiye. "
"dekhiye main pahle hi preshan hun, aap kuch kam kar lijiye."
"chlo 200₹ de do."
mere pati ne unhe 200₹diye. aur unhone humein jane diya.Galti hamari bhi thi hamein dene nhi chahiye the but meri health bahut kharab thi mujhe jaldi PGI emergency mein jana tha.

Dusra kissa jammu ka hai . hum (main mere pati, mere bachhe ,bhai aur bhai k bachhe) vaisno mata ji k darshan k liye ja rhe the. apni inova car se. car bhai chala raha tha. jammu enter karne k liye barrier par khadi police ne rok liya. police vala kahta "dhandh bahut hai chai pani k liye kuch de do."
usne mere bhai ko driver samjha vo uski baju ko halke se hilata rha ki vo (mera bhai) uski favour me bole.
mere bhai ne kuch nhi kaha vo muskurata raha. usne 100₹ mange. mere husband ne kaha ki chai to 5₹ki aati hai . 5 le ja. kahta ki theek hai par hum panch log hain. mere husband ne 30 ₹ diye aur vo lekar chala gya. Ab yahaan rishvat ki baat nhi thi vo to usne seedhe hi chai pani k liye maang liye aur hum thahre guru k sikh so humne de diye.
ye hamare desh ka haal hai. soch kar hairaani hoti hai.

© jagmohan