"ഒരു അരമണിക്കൂർ എങ്കിലും ആയി കാണും ഞാൻ ഈ കാർ ഓടിക്കാൻ തുടങ്ങിയിട്ട്, ഭയങ്കര നിശബ്ദത ആണല്ലോ....., എന്തെങ്കിലും ഒന്ന് പറയെടോ........ ", "ഇയാൾക്ക് എന്നോട് ഒന്നും പറയാൻ പറ്റില്ലല്ലോ....., പിന്നെന്തിനാ ഞാൻ പറയുന്നത്..... ", "താൻ അത് ഇനിയും വിട്ടില്ലേ.....? ", "എനിക്ക് അത് വിടാൻ ഉദ്ദേശം ഇല്ല....., പരിചയപ്പെടുന്ന ആൾക്കാരോടൊക്കെ ജീവിത ചരിത്രം മൊത്തം പറയാറുണ്ടെന്ന് പറഞ്ഞല്ലോ അന്ന്....., പിന്നെന്താ ഇത് പറഞ്ഞാൽ, മനസ്സിൽ എന്തെങ്കിലും സങ്കടം ഉണ്ടെങ്കിൽ അത് ഫ്രണ്ട്‌സിനോട് പറയുമ്പം അതിന്റെ തീവ്രത കൊറയും....., എന്നോട് പറ എന്താ ഇയാളുടെ പ്രശ്നം........ ", "എടോ ഒന്നും ഇല്ലായെന്ന് പറഞ്ഞില്ലേ....", "അന്ന് ജെറിയെ വഴക്ക് പറഞ്ഞു, ഇന്ന് ടെൻഷൻ അടിച്ചു....., രണ്ടും ഒരു ഗിറ്റാർ കാരണം.... ", അത് കേട്ടപ്പോൾ ജോൺ പെട്ടെന്ന് കാർ നിർത്തി, അവനെ നോക്കി കൊണ്ട് അവൾ, "അത് തന്നെയാണ്....., ഇനിയെങ്കിലും പറ എന്താ..., മാഷേ.... മാഷിന്റെ പ്രോബ്ലം...... ", അവൻ വളരെ സാവധാനം പറയാൻ തുടങ്ങി, "ഒരു ഗിറ്റാർ കാരണമാണ് ഞാൻ ടെൻഷൻ അടിച്ചതെന്ന് താൻ മനസ്സിലാക്കിയല്ലോ...., ഇനി മുഴുവൻ പറയാം, താൻ പറഞ്ഞത് പോലെ തന്നോട് പറയുമ്പം ആ ടെൻഷന്റെ തീവ്രത കുറയുമോ എന്ന് നോക്കാം...., എനി ഞാൻ തന്നിൽ നിന്ന് ഒന്നും ഒളിക്കുന്നില്ല....,ഇപ്പൊ സമയം ഒരുപാട് വൈകി....., എന്റെ മനസ്സിൽ ഇപ്പൊ തന്നെ എത്രയും പെട്ടെന്ന് താമസ സ്ഥലത്ത് കൊണ്ട് വിടണമെന്നുണ്ട്....., നാളെ താൻ എന്തായാലും കല്യാണത്തിന് പള്ളിയിൽ വരുമല്ലോ അപ്പൊ പറയാം എല്ലാം.... ", അവൻ കാർ സ്റ്റാർട്ട്‌ ചെയ്തു, യാത്രയ്ക്കിടയിൽ വീണ്ടും മീര ജോണിനോട് ചോദിച്ചു, "ആ ഗിറ്റാർ ഏതെങ്കിലും പെൺകുട്ടിയുടെ ആണോ....? ", "തന്നോട് നാളെ പറയാം എന്ന് പറഞ്ഞല്ലോ.... ", അവൾ അത് കേട്ടപ്പോൾ മിണ്ടാതെ ഇരുന്നു, അപ്പോഴും മനസ്സിൽ ആ ഗിറ്റാറിനെ പറ്റി തന്നെയായിരുന്നു ചിന്ത, "ഇനി ഇത് വല്ല ലൗ സ്റ്റോറിയും ആയിരിക്കുമോ.......?...., അതിന് ഞാൻ എന്തിനാ ചിന്തിച്ചു തല പുണ്ണാക്കുന്നത്...., എന്തായാലും നാളെ അറിയാലോ....., എന്നാലും ആ ഗിറ്റാർ ആരുടെ ആയിരിക്കും.....? ".
© ANJU