നിനക്കറിയുമോ......?
പുറംലോകം കാണാതെ ഒരുപിടി എഴുത്തുകൾ ഇന്നും
എവിടെയോ പൊടിപിടിച്ചാരുമറിയാതെ കിടക്കുന്നു !
നിനക്ക് വേണ്ടി മാത്രം ഞാൻ എഴുതിയത്.
നിന്നിലേക്ക്‌ ഞാനെത്തിപ്പെട്ടതിന്റെ മരിക്കാത്ത അടയാളം !
നിന്നോടുള്ള എന്റെ അഭിനിവേശം !
നിന്റെ പിണക്കങ്ങളും ഇണക്കങ്ങളും എന്റെ ഹൃദയത്തിനേൽപ്പിച്ച ഗതിമാറ്റങ്ങൾ !
കരയുന്ന നെഞ്ചിനെ ചേർത്തുപിടിച്ചപ്പോഴുണ്ടായ സ്നേഹവായ്പുകൾ !
അകമറിഞ്ഞ വസന്തത്തിന്റെ ചൂട്പിടിപ്പിച്ച ഓർമ്മകൾ !
ഇനിയും നിറം കൂട്ടിവെക്കാൻ ഒരുപാട് വസന്തങ്ങൾ !
മഷിതുമ്പിൽ ഇറ്റുനിന്ന എന്റെ പ്രണയമാണവകൾ.
നീ പിടഞ്ഞപ്പോൾ ഞാനിടറിയതിന്റെ അർഥമുറ്റ കാരണങ്ങൾ !
ശകാരത്തിലും സ്നേഹം കിനിഞ്ഞ, നിന്നോടുള്ള
എൻ കറ തീർന്ന പ്രണയം
മിഴിയിലിനിയും പരിഭവം വേണ്ട
നിനക്കായ് ഇനിയുമൊരു രാത്രി കരുതിവെക്കുന്നുണ്ട് ഞാൻ
അന്നെന്റെ തൂലിക ഒരിക്കൽകൂടി നിനക്കാ -
യുള്ള പ്രയാണമാരംഭിക്കും
അതിന്റെയൊടുക്കം എന്റെയടഞ്ഞ മിഴികളിലായിരിക്കും.
ഇതെന്റെ വാക്ക്.... !
ആദി