"Hello Sheetal. Happy Birthday."
"Thank you so much Rajesh. Acha suno na kal jaldi se tayyar ho jana. Pichli baar ki tarah iss baar b late mat krdena. Mujhe meri Ooty ki trip late nai krni hai."

Rajesh kuch aur bol sakta, uss se pehle hi call band ho chuka tha. Najane kitne calls aa rhe the Sheetal ko. Kitni ummeed se Rajesh call kiya tha. Socha tha aaj thoda jyada baat krta aur kese tese krke apni dil ka baat bata deta. Pichle ek saal se bas kosis hi kr rha h. Himmat juta kar nai bol pata hai, ki kitna pyar karta h Sheetal se. Dono kaafi ache dost hain aur yaha tak ki Sheetal use kaafi karib b maanti hai. Par Rajesh ko ek dar hi sata raha tha. Kahin esa na ho ki pyar pane ki kosis me dosti tut jaye hamesha k lie. Issi kasamkash me hi neend thodi der se ayi.

Office k 4 dost Ooty ki ek choti si trip par nikal pade. Sheetal, Rajesh, Anil aur Priyanka. Ooty ki un khubsurat wadiyon me Sheetal ki mushkan aur b khil rhi thi. Woh neela jacket Sheetal par aur b sundar dikh rha tha. Mano jese koi jannat ki hoor ho. Esa lag raha tha Sheetal Ooty ki khubsurati ko aur badha rahi hai aur Rajesh usme madhosh ho rha hai. Uske aakhon k saamne bas Sheetal hi thi.

"Kya hua Rajesh. Ekdum chup chap se khade ho. Kya chal raha h dimag me."...