Aakash se milne ke baad bhi khushi ke mann me kai sawal uth rahe the, wo soch rahi thi ki college me jis ladke ne mujhse kbhi baat bhi nahi ki wo aaj achanak se aisa kyu behave kar raha he jaise hamare beech bahut gehri dosti rahi ho.
Yahi sochte hue Khushi office jane ke liye ready hui, ghar se nikalte hue hi use Aakash ka call a gaya usne lunch pe milne ka pucha to Khushi ne bhi Han kr di.

Lunch pe Khushi Aakash ka wait kar rahi thi.Aakash aata dikha.
Aakash- Hii, sorry jyada wait to nahi karwaya.
Khushi- Nahi, it's ok, mai bhi abhi hi aai hu.
Aakash- Kya hua tum kuch pareshan lag rahi ho.
Khushi- Han, mai soch rahi thi ki tum college me to itne friendly nahi the phir ab achanak itne dino baad yun milna.
Aakash- Achanak kaha, meri to kab se tum par nazar thi.
Khushi- Excuse me, kyaa matlab he tumhara.
Aakash- Are kuch nahi mai to bas mazak kar raha tha, mahaul ko halka u see.
Khushi- Hmm.

Dono ne lunch khatm kiya. Khushi bye bolkar wapis Office chali gai Aakash aksar koi na koi bahana bnakar aksar Khushi se milne laga.
Khushi ko bhi Aakash ke sath waqt bitana acha lagne laga. Khushi ko pata hi nai chala ki wo Aakash ko pasand karne lagi he. Aakash ne ek din Khushi se apne dil ki baat kahi aur Khushi ko jaise sabkuch mil gaya. Dono ne apne gharo me Shadi ki baat ki aur dono families ready ho gai.
Shadi se kuch din pehle Aakash achanak se Khushi ke office gaya aur usne kaha-
Aakash-Khushi mujhe tumhari help chahiye.
Khushi- Kya baat he Aakash tum itne pareshan kyu lag rahe ho.
Aakash- Khushi I am in big trouble.
Mujhe kuch paiso ki zarurat he.
Actually ek project he jispe mai abhi kaam kar raha hu, socha nahi tha par umeed se zada kharch ho gaya he isme, ab mere paas kuch bhi nahi bacha he, aur mai ghar pe bhi nahi bta sakta kyunki Family ke sare paise to hamari shadi ke liye he. Meri aur koi help nahi kar sakta. Please meri help Karo..