வணக்கம்,

நம்மில் பல பேருக்கு பிறப்பைப் பற்றின ஏக்கமும் , வருத்தமும் பலச் சமயங்களில் மனதை அரித்துக் கொண்டே தான் இருக்கும் .

அதிலும் ஒரு குடிகார அப்பன் இருந்தாலும் சாபம் தான் , இறந்து போனாலும் வேதனை தான் . அறியா வயதில் அப்பன் இறந்து விட்டான் இருந்திருந்தால் ஒரு வேளை காப்பாற்றுவானோ ? என்ற வேடிக்கையான ஏக்கம் , ஒற்றைப் பிள்ளையாய் வாழ்க்கை , அவ்வளவாக பொறுப்பிள்ளை ஆனால் , அதீத மன அழுத்தங்கள் உண்டு

அப்படி தாங்கிக் கொண்டு வாழும் ஒரு பிள்ளைப் பற்றின வேதனை எந்த தாய்மாரையும் விட்டு வைத்தது கிடையாது. அந்த வேதனையே அந்த தாயின் ஆயுட்காலத்தைக் குறைத்துக் கொண்டே தான் போகும் , அப்படிப்பட்ட ஒரு தாயின் ஆயுட்காலம் முழுவதும் அவள் எதை எதிர் நோக்கினால் என்றும் , ஒவ்வொரு தாய்மார்களின் இறுதி ஆசை என்னவாக இருக்கும் என்றும் இந்தக் கதையினை தொடர்வதன் மூலம் உணரலாம் . அவ்வாறாக ஒரு தாயினைப் பற்றியும் அவளுக்காக உறவாய் இருக்கும் அந்த ஒரே ஒரு மகனைப் பற்றியும் பேசும் கதையே இது .

ஆம் நம் கதையில் வரும் தாய் செல்லம்மா கணவரை இழந்தவள் . இளம் பருவம் முதல் தன் தாய் வீட்டில் மிகச் செல்லமாக வளர்ந்து வயது பருவத்தில் குடிகாரன் என்று தெரியாமல் , தன் தாய் தந்தையார் முடிவு செய்த திருமணத்தை முடிந்து கொண்டு , போராடி வாழ்க்கையை வாழ்ந்தவள். அக்னி சாட்சியாக நடந்த திருமணத்திற்கு அடையாளமாக ஒரு ஆண் குழந்தையை பெற்றெடுத்தாள் . அக்குழந்தை அடி எடுத்து வைக்கும் முன்னே குடித்து குடித்து குடல் செத்து உயிர் விட்ட தன் கணவனின் இறுதி சடங்கை முடித்து வைத்து விட்டு வாழ்க்கையை தொடங்கியவள் செல்லம்மா , தன் மகனோடு அவளுடைய அந்த வாழ்க்கையில் , அவள் எப்படி எல்லாம் போராட்டத்தைச் சந்தித்தாள் அந்த படிக்காத பாமரப் பெண் என்று இனி காண்போம்

ஒரு கிழவியின் ஆயுளை இழுத்துச் செல்லும் அவளின் இறுதி ஆசை அப்படி...