ನೆರಳಿಗಂಟಿದ ಭಾವ ಕವನ ಸಂಕಲನ ಪರಿಚಯ
Kannada Book Review.. m
ಸಿಂಧು ಭಾರ್ಗವ, ಬೆಂಗಳೂರು

ಶ್ರೀಮತಿ ಸವಿತಾ ಮುದ್ಗಲ್ ಅವರ ಚೊಚ್ಚಲ ಕವನ ಸಂಕಲನ "ನೆರಳಿಗಂಟಿದ ಭಾವ" ಸುಮಾರು 84 ಕವಿತೆಗಳನ್ನು ಒಳಗೊಂಡಿದೆ. ವಿವಿಧ ಸಾಹಿತ್ಯ ಪ್ರಕಾರಗಳಲ್ಲಿ ಬರೆಯುವ ಇವರು ಸಹೃದಯಿ, ಸ್ನೇಹಿತೆ, ಉತ್ತಮ ಬರಹಗಾರ್ತಿಯಾಗಿ ಗುರುತಿಸಿಕೊಂಡವರು. ನೆರಳಿಗಂಟಿದ ಭಾವ ಕವನ ಸಂಕಲನದಲ್ಲಿ ನಾನಾ ತರಹದ ಕವನಗಳನ್ನು ರಚಿಸಿರುತ್ತಾರೆ. ಭಾವನೆ ,ಕಲ್ಪನೆ ಪ್ರಕೃತಿ, ಹೆಣ್ಣು, ಹೆತ್ತ ತಾಯಿ, ಗೃಹಿಣಿಯ ಬಗೆಗೆ, ಸಾಮಾಜಿಕವಾಗಿ ಬೆಳಕು ಚೆಲ್ಲಿರುತ್ತಾರೆ. ಭೂಮಿ, ಗಾದೆಮಾತಿಗೊಂದು ಕವನ, ಬುದ್ಧಿಮಾತು, ಗೃಹಿಣಿಯರಿಗಾಗಿ ಸ್ಪೂರ್ತಿದಾಯಕ ಕವನಗಳನ್ನು ರಚಿಸಿರುತ್ತಾರೆ.

ಕವನದ ಮೊದಲಿಗೆ ಸರಸ್ವತಿ ಮಾತೆಗೆ ನಮಿಸಿ ಅಜ್ಞಾನವ ಅಳಿಸು ಎಂದು ಪ್ರಾರ್ಥಿಸುತ್ತಾ ತಮ್ಮ ಮನದ ಭಾವಗಳನ್ನು ಕವಿತೆಯನ್ನಾಗಿಸಹೊರಟರು.

ಭುವನೇಶ್ವರಿ ಕೈತೋಳಲಿ ನಾ ಬೆಳೆದೆ
ಕನ್ನಡ ಭಾಷೆಯಲ್ಲಿ ಶಾಲಾಶಿಕ್ಷಣ ಪಡೆದೆ
ಅಕ್ಷರ ಮಾಲೆಯ ಕಾಗುಣಿತ ವ್ಯಾಕರಣವು...