ಈಗ ನಾ ಹೇಳುವ ಘಟನೆ ನಡೆದದ್ದು ನವೆಂಬರ್ 2009 ನೇ ಇಸವಿಯಲ್ಲಿ.
ನಮ್ಮ ಸಂಬಂಧಿಕರೊಬ್ರಿಗೆ H1 N1 ಬಂದು ಸೀರಿಯಸ್ ಆಗಿತ್ತು ಅಂತ,
ಬೆಂಗಳೂರಿನ KIMS ಆಸ್ಪತ್ರೆಯಲ್ಲಿ ಅಡ್ಮಿಟ್ ಮಾಡಿದ್ರು.

ನಾವಿದ್ದದ್ದು ಬೆಂಗಳೂರಿನಲ್ಲೆ  ಆಗಿದ್ರಿಂದ, ಅವರನ್ನ ನೋಡಿಕೊಳ್ಳುವ ಜವಾಬ್ದಾರಿ ನನ್ನದಾಗಿತ್ತು.

ನಮ್ಮ ಬಹಳಷ್ಟು ಸಂಬಂಧಿಕರು ಬೆಂಗಳೂರಿನಲ್ಲೆ ಇರೋದ್ರಿಂದ, ದಿನ ಒಬ್ಬೊಬ್ರು ಮನೆಯಿಂದ ಊಟ ಬರೋದು, ಆಸ್ಪತ್ರೆಯಲ್ಲಿ ಪೇಷಂಟ್ ಜೊತೆ ಇರೋದು ನನಗೇನು ಹೊಸತಲ್ಲ.
ನಮ್ಮ ಹತ್ತಿರದ ಸಂಬಂಧಿಕರ್ಯಾರಾದ್ರು ಅಡ್ಮಿಟ್ ಆದ್ರೆ ಒಂದಿನ ಆದ್ರು ಆಸ್ಪತ್ರೆಯಲ್ಲಿ ನಾನು ಇದ್ದೇ ಇರ್ತೀನಿ, ಅಷ್ಟರ ಮಟ್ಟಿಗೆ ಆಸ್ಪತ್ರೆಗೂ ನನಗೂ ನಂಟಿದೆ, ಕಾರಣ. 

ನಾನು ಎಂದು ಮೆರೆದವರೆಲ್ಲ, ದೇವರೆ ನೀನೆ ಗತಿ ಅಂತ ಬೆಡ್ ಮೇಲೆ ಮಲಗಿ, ಆರ್ತರಾಗಿ ಮೊರೆ ಇಡುವ ಸ್ಥಳ ಈ ಆಸ್ಪತ್ರೆ.

ಪ್ರತಿಸಲ ಆಸ್ಪತ್ರೆಯಲ್ಲಿ ಇದ್ದಾಗ್ಲೂ ಒಂದೊಂದು ಹೊಸ ಅನುಭವ, ಜೀವನದ ಪಾಠ ಕಲಿಯಲು ಅವಕಾಶ ಸಿಕ್ತಿರುತ್ತೆ.
ಅದೇ ರೀತಿಯ ಒಂದು ಅನುಭವವನ್ನ ನಿಮ್ಮ ಮುಂದೆ ಇಡ್ತಿದಿನಿ.

KIMS ಆಸ್ಪತ್ರೆಗೆ ಹೊಂದಿಕೊಂಡಂತೆ ಇರುವ VV Puram ಕಾಲೇಜು, ರಸ್ತೆಯಲ್ಲಿ ಈಗ Food Street ಎಲ್ಲ...