അന്ന് ഞാൻ നിനക്ക് വേണ്ടി ജീവിച്ചിരുന്നൊരു കാലം ഉണ്ടായിരുന്നു... നിൻ്റെ നിഴലായി കൂടെ ഉണ്ടായിരുന്ന കാലം... അന്ന് നീ അവഗണനയുടെ ആവരണം കൊണ്ട് മൂടി എന്നിൽ നിന്ന് അകലം സൃഷ്ടിക്കാൻ ശ്രമിച്ചപ്പോൾ സങ്കടത്തോടെ ഞാൻ ഒരു ചോദ്യം ചോദിച്ചു...
" എന്നോട് സ്നേഹമില്ല അല്ലേ??"
അന്ന് ലഭിച്ചത് അതിനുള്ള ഉത്തരമല്ല... മറ്റൊരു ചോദ്യം ആയിരുന്നു.....
" എന്താണ് ഈ സ്നേഹം എന്ന് വെച്ചാൽ?
വെറും പൈങ്കിളി വാക്ക്......"
പുച്ഛത്തോടെയുള്ള ആ മറുപടിയിൽ തകർന്നുപോയ ഹൃദയവുമായി നിരാശയുടെ പാഥയിലൂടെ ചെന്നെത്തിയ അകലത്തിൽ തുടർന്നുപോയി ബാക്കി കാലങ്ങൾ.... ആ സമയത്ത് ഒരുപാട് കാര്യങ്ങൾ പഠിച്ച് കഴിഞ്ഞിരുന്നു....
കാലങ്ങൾക്ക് ശേഷം ഇന്ന് ദൈവത്തിൻ്റെ വികൃതി എന്നോണം നിന്നിൽ നിന്ന് എനിക്ക് ആ ചോദ്യം ലഭിച്ചു... അന്ന് ഞൻ ചോദിച്ച അതേ ചോദ്യം....
" എന്നോട് സ്നേഹമില്ല അല്ലേ??"
ആശ്ചര്യത്തോടെയും അല്പം സന്തോഷത്തോടെയും ഞാൻ നീ എനിക്ക് തന്ന അതേ മറുപടി നൽകി... മധുര പ്രതികാരമെന്നോണം........
" എന്താണ് ഈ സ്നേഹം?"
പക്ഷേ, അത് പുച്ഛത്തോടെ ആയിരുന്നില്ല... നർമ്മത്തിൽ പൊതിഞ്ഞ ചോദ്യമായിരുന്നു....
നിൻ്റെ ചോദ്യത്തിനുള്ള ഉത്തരം എൻ്റെ കണ്ണുകളിൽ നക്ഷത്ര തുല്യം തിളങ്ങിയിരുന്നത് നീ കണ്ടിരുന്നോ എന്ന് എനിക്കറിയില്ല.....
Nimm...........


© NIMM