"അത് ചേട്ടായീടെ ഫ്രണ്ടിന്റെയാ...... ", ആ സമയത്ത് അവൾ അത് എടുക്കാൻ നോക്കി, അപ്പോൾ ജോൺ പറഞ്ഞു, "അത് എടുക്കണ്ട....., അവിടെ വെച്ചേക്ക്.... ", മീര ഗിറ്റാർ പെട്ടിക്കകത്തു തന്നെ വെച്ചു, ഈ സമയത്ത് ജോൺ വളരെയധികം ദേഷ്യപ്പെട്ടു കൊണ്ട് ജെറിയോട് പറഞ്ഞു, "നിന്നോട് ഞാൻ പറഞ്ഞില്ലേ ഇവിടെ ഒന്നും വെക്കാൻ പാടില്ലെന്ന്, മര്യാദക്ക് അതൊക്കെ എടുത്ത് കട്ടിലിനടിയിൽ തന്നെ വെക്ക്, എന്നിട്ട് വേഗം പോയേ...., നിന്നെ കൊണ്ട് എന്തൊരു ശല്യമാണ്....., ഒന്ന് പോയേ.... ", ഇത് കേട്ടപ്പോൾ മീരയ്ക്ക് വല്ലാതെ സങ്കടം തോന്നി, ജെറി പെട്ടെന്ന് തന്നെ എല്ലാം എടുത്ത സ്ഥലത്ത് തന്നെ വെച്ചു, എന്നിട്ട് വേഗത്തിൽ മുറിയിൽ നിന്ന് ഇറങ്ങിപ്പോയി, "ഇയാൾക്ക് കാലിന് വേദനയൊന്നും ഇല്ലല്ലോ...., ഞാൻ ഇറങ്ങുന്നു",
"അതെന്താ പെട്ടെന്നൊരു പോക്ക്, താൻ ഇപ്പോഴല്ലേ വന്നത് ", "പോയിട്ട് തിരക്കുണ്ട്, ബായ്.... ", അവൾ താഴേക്ക് ഇറങ്ങി ചെന്നു, അപ്പോഴേക്കും അമ്മച്ചി ജ്യൂസ്‌ എടുത്ത് വരുന്നുണ്ടായിരുന്നു, "ശെരി അമ്മേ ഞാൻ പോകുന്നു.... ", "ഏ...., അതെന്താ പെട്ടെന്ന് പോകുന്നത്...... " , "അത്..., പോയിട്ട് ഒരു അത്യാവശ്യ കാര്യം ഉണ്ട്... " , "എന്നാ മോള് ഇത് കുടിച്ചിട്ട് പോയാൽ മതി.... ", "അതൊന്നും വേണ്ട, ഇപ്പൊ തന്നെ വൈകി... ", അവൾ ധൃതിയിൽ പുറത്തേക്കിറങ്ങി, ശേഷം സ്കൂട്ടി എടുത്ത് പോയി.
"ജോ......, ആ കുട്ടിയെന്താ പെട്ടെന്ന് പോയത്... ? ", "എന്തോ തിരക്കുണ്ടെന്ന് പറഞ്ഞു.. ",
അമ്മച്ചി അവന്റെ മുറിയിൽ നിന്നും പോയി, ജോൺ തനിയെ ചിന്തിക്കാൻ തുടങ്ങി, "ഞാൻ അവനോട് ദേഷ്യപ്പെടുന്നത് കണ്ടിട്ട് ആയിരിക്കുമോ മീര പോയത്, ഞാൻ ഗിറ്റാർ എടുക്കണ്ട എന്ന് പറഞ്ഞപ്പോൾ എന്റെ മുഖത്തു ദേഷ്യം ഉണ്ടായിരുന്നോ...?, എന്നെ പറ്റി അവൾ എന്ത് വിചാരിച്ചു കാണും..., ഞാൻ എന്താ ഇങ്ങനെ.......?, കലിപ്പ് അതെന്നെ വല്ലാതെ ബാധിച്ചിരിക്കുന്നു...... , ആ ഗിറ്റാർ.. , അത് എന്റെ......., ഞാൻ അതിനെ ഭ്രാന്തമായി ഇഷ്ടപ്പെടുന്നത് കൊണ്ടാണോ അത് മറ്റാരും എടുക്കുമ്പോൾ എനിക്ക് തീരെ പിടിക്കാത്തത്..... ".
© ANJU