...

5 views

Aurat ka Extra-Marital Affair kyon..??
Shivani ke 3 bachhe hai, wo Haryana ke chhote se gao ki rehne wali hai.

Uski shaadi 10 saal pehle bahot kam umar me hi ho chuki hai Lekin wo Priya Rajput ke naam se social network par active rehti hai.

Usay kya jarurat padi aisa karne ki..??

Husband ki najar me uske paas mobile hai lekin uske sim ka recharge nahi hai, Lekin apne Pati se chupakar usne dusra Sim card le rakha hai Or uss se wo apna social network account use krti hai.

Aakhir kyon usne husband se recharge ke liye ni bola.??

Shaadi ke 10 saal ho jane ke bawjud pichhle 2 saal se Banaras ke kisi shehar ka ladka uska Boyfriend bana hua hai.

Aakhir kya jarurat padi usey Extra Marital Affairs ki..??

Kyonki Shaadi ke baad bhi Mann Kuwanra reh jaata hai..!!
Pariwaar saath rehne ke bawjud dil Bechara reh jaata hai..!!

Wo kabhi apni zindgi Jee hi ni paati hai..

Kabhi Maa ke kaam me haath batane ki chinta..
To kabhi Baap aur Bhai ke Maan-Maryada ki raksha..
Kabhi Pati ka Gumaan to kabhi sasural walo ka samman..

Bas isi me ulajh kar reh jaati hai ek Stree ki zindgi.

Jab koi Anjaan shakhs uske jaisa mil jaata hai jo uske mann ko padhne lagta hai.. Tab stree khuli kitaab bann jaati hai. Aur apne dil ke saare Raaz khol deti hai.

Aisa hi hua Shivani ke saath...
Pati ki daant, Samaj ki soch aur Reeti-Riwaaz se hatt kr jab usay wo anjabi mila to....

Shaadi-Suda Stree Jud gayi uske ke Ehsaash se..!!
Kar baithi ishq kisi Ajnabee ke Jazbaat se..!!

Keh dia usne, uss Ajnabee se saari Un-kahee baatein..!!
Kyonki Husband saath hone par bhi lambi ho rhi thi uski Raatein..!!

Wo aakhir khojti kya hai..??
Kisi ne socha hi nahi ki ek Stree sochti kya hai..??

Kisi ne uske Mann ko chhua hi nahi..!!
Koi bhi insaan uske dil tak pahucha hi nahi..!!

Jab wo Ajnabee uske Mann padhne lagta hai..!!
Uska dil Bhawra bann uddne lagta hai..!!

Jaha wo Jee sakti thi Khushi ke do Pal..!!
Or use mil gaya tha Mann ke Kuwanre'pan ka Hal..!!

Jise bata sakti thi wo bina rok-tok apni baatein..!!
Jaha be-khauf hokar chalti hai uski saasein..!!

Isliye...
Sirf aur sirf Isliye...

Shaadi-Suda Stree Jud gayi kisi ke Ehsaash se..!!
Isliye kar baithi ishq kisi Ajnabee ke Jazbaat se..!!

Isliye keh dia usne, Uss Ajnabee se saari Un-kahee baatein..!!
Kyonki Husband saath hone par bhi lambi ho rhi thi uski Raatein..!!


Humein jarurat hai Aurat ke Mann ko tatolne ki,
Humein jarurat hai iss Purush-Pradhan desh ke soch badalne ki..

Humein jarurat hai ek Aurat ke khushi ka khyal rakhne ki, Humein chahiye ki unhein bhi apni zindgi jeene ki azadi mile.

Aurat ko izzat ki nigaho se dekho,
Na ki uski izzat ko apni nigaho se dekho..


© Dill_Vill_Pyar_Vyar

#WritcoQuote #poem #writco #writcoapp