വീടിന്റെ ഗേറ്റിനരികിൽ ഒറ്റക്കിരുന്ന് എന്തോ ആലോചിക്കുകയാണ്
വാഫുമോൻ, മുൻപെങ്ങും
അവനിൽ ഇതുപോലെ കണ്ടിട്ടില്ല...ഞാൻ വരുന്നത് കണ്ടാൽ ഓടിവരും
മിട്ടായി ഉണ്ടോന്ന് ചോദിക്കും,
ഇന്ന് ആ സന്തോഷവും ചിരിയുമൊന്നും അവനിൽ കണ്ടില്ല. എന്തോ വിഷമമുള്ളത് പോലെ...
എന്തു പറ്റി ആവോ..? നാളെ നടക്കാൻപോകുന്ന ചടങ്ങിനെ കുറിച്ച് അവൻ വല്ലതും അറിഞ്ഞു കാണുമോ?
വയസ്സ് പത്തായില്ലേ.. തിരിച്ചറിവിന്റെ പ്രായം വന്നുതുടങ്ങി, എത്ര ഒളിപ്പിച്ചു വെച്ചാലും ഒളിഞ്ഞിരിക്കില്ലല്ലോ...
"ങ്ഹാ..നീ വന്നോ..?"
ഇത്തിത്തയുടെ ചോദ്യം,
"മ്മ്.. ഇത്താ അവനെന്താ ഒറ്റക്കിരിക്ക് ണ്? ഇന്ന് മക്കളുടെ കൂടെ കളിക്കാനൊന്നും പോയില്ലേ.?"
"എനിക്കറിഞ്ഞൂടമോനേ.... ഇന്നലെ തൊട്ടേ അവനിങ്ങനെയാ ..നേരാവണ്ണം ഒന്നും കഴിച്ചിട്ടുമില്ല.എന്തു പറ്റിയെന്നറിയില്ല,
ഞാൻ പതുക്കെ അടുത്തേക്ക് ചെന്നു,
അവന്റെ ചുമലിൽ കൈവെച്ചു..
വാഫു മോൻ ഇളം പുഞ്ചിരിയോടെ തിരിഞ്ഞു നോക്കി..അവനെന്തോ ചോദിക്കാനുള്ളത് പോലെ..
"വാഫുമോനെന്താ ഇങ്ങിനെ ഒറ്റക്കിരിക്കണേ...?"
ആ ചോദ്യം അവന് പിടിച്ചില്ലെന്ന് തോന്നുന്നു,...