நீல நிற சட்டையை டக்கின் செய்தவாறே கண்ணாடியில் தன் உருவத்தை பார்த்த இன்பன் சிறு புன்முறுவலுடன் வரவேற்பரைக்குள் நுழைந்தான்

 

 

மெல்லிய கீர்த்தனை ஒலியோடு மைதிலி அத்தை கோவிலில் இருந்து வந்தவள் இன்பனைக் கண்டதும் அவன் அருகில் வந்து கண்களாலேயே இரு வருகிறேன் என கூறிச் சென்றாள்

 

 

விரைந்து வந்தவள் கைகளில், காலை சிற்றுண்டி தட்டிலும் மதியத்திற்கான உணவு ஒரு பையிலும் இருந்தது. இன்பன் எதுவும் பேசவில்லை. சிற்றுண்டி சாப்பிடும் வேளையில் மாமா காலை வாக்கிங் முடித்து உள்ளே நுழைந்தார்.

 

 

இன்பா, முதல் முதலாக வேளைக்கு செல்கிறாய், பார்த்து, உனக்கு மேல் உள்ளவர்களிடம் மரியாதை செலுத்தவும் உனக்கு கீழ் உள்ளவர்களிடம் நட்பு பாராட்டவும் தயங்காதே.

 

இது தான் மாமா, தேவையான நேரத்தில் தேவையான அறிவுரைத் தர தவறமாட்டார். உற்று பார்த்து கொண்டிருந்தவருக்கு தனது தலை -அசைவில் ஒப்புதலை தெரிவித்து புறப்பட யத்தனித்த போது அத்தையின் குரல் புஜை அறையில் இருந்து கேட்டது.

 

காரணம் புரிந்த போது மனசு லேசாக வலித்தது. தயக்கத்தோடு பூஜை அறைக்குள் நுழைந்தவன் அங்கு பிறக்கும் போதே இழந்த தந்தையின் புகைபடமும், வாழ்க்கையில் தான் தொலைத்த இன்பத்தை தன் மகனுக்கு சூட்டியவள் அவன் வளர்சியைப் பார்க்க  கொடுத்து வைக்காத தாயின் புகைப்படத்தையும் வணங்கி விட்டு கண்களாலேயே அத்தையிடம் இருந்து விடைபெற்றான்.

 

வாழ்த்துக்கள் அத்தான் என்று வசுமதியின் குரல் தோட்டத்தின் பக்கம் கேட்டது. தாங்க்ஸ் என்ற வார்தையோடு தனது இருசக்கர வாகனத்தை கிளப்பினான்.

 

அலுவலகதின் குளிர்ச்சி முகத்தில் அறைந்தது.. புது இடம், புது சூழ்நிலை மகிழ்ச்சியைத் தந்தது. இரண்டு நாட்களுக்கு முன்னால் பணிக்கு வந்த கண்ணணின் நட்பு கிடைத்தது. கண்ணண் தன் தாய் மற்றும் தன் தங்கையுன் வசிப்பதாக தெரிவித்தான். இன்பன் மெல்ல மெல்ல தன்னைப் பற்றிய தகவல்களை கண்ணணோடு பகிர்ந்து கொண்டான். இருவருக்கும் ஒரு பலமான நட்பு உருவானது.
...