Ye kahani sirf Insaaniyat sabhi ne dikhana chahiye us pr based hai..

Zindagi or maut hmare haath me nhi.. Lekin kisi ki zindagi agr hum bacha skte hain to humein bina der kiye ye krna chahiye.. Is duniya me sab kuchh us maalik ki mrzi se hota hai.. lekin agr hum kisi ka achchha karte hain to us maalik ki khushi or pyar humein milta hai. Hmari zindagi bahut khubsoorat ho jati hai.

Kahani kuchh bezubaano ki hai.. jinke aane par mai or meri family Bahut khush the.. Mujhe bahut khushi hai ki meri family or mujhme itni to insaniyat hai ki hum bezubaano ke liye dil me pyaar rkhte hain or unhe maarte ya pareshan nhi krte .

To ye kahani tab ki hai jab mera nya ghr bn rha tha.. Shayad pehli manzil ki chhat dal chuki thi.. itne me pta chala ki 10-12 puppies hmare ghr me aa chuke hain. mtlb unka janm hmare ghr me hua..
Esa lga jaise ghr me koi mehmaan aaya ho.
Mummy or chhota bhai to mujhse jyada unki care krte the.. subah sham unke liye roti dena.. Paani or doodh . Mtlb jo bhi humse hota tha.. wo hum krte the.. Ek habit si bn gyi thi . Bad me or kuchh mehman usi ghr me aa gye..

Kaam chal rha tha ghr ka.. sb theek chal rha tha.
Itne me un bachcho ki mamma unhe lekr kisi khali jagah me ped ke neeche apna basera kr leti hai..
Fir bhi humne unhe dhundha or doodh paani roti sab dete the..
Baad me pta chala ki 3-4 puppy ese hai jo bahut kmzor ho gye.. wo doodh nhi pi rhe the maa ka.. ya dusro ki wajah se wo peechhe reh jate the..
To hum unka especially dhyan rkhte the.. or unko alag se utha kr doodh dete the..

Yunhi chalta rha..
Beech me thand jyada padne lgi ..
Fir ek din ek puppy ko humne dhundha to mila nahi..

Baad me ped ke aas pas dhundha to dekha wo maasoom sa jeev mar chuka tha..
Esa pehli bar hua ki meri puri family ko uske jane ka dukh tha..sbki aankhein nam thi..

Jis jagah pr wo sab reh rhe the.. wo kisi bde ameer logo ka h.. Mtlb unke khet khalihaan ki karodo rupyo ke honge..

Un logo ne humein mna kra ki tum inko roti daalte ho.
Ye sb gnda krte hai yaha.
Sochiye khali raaste wali jagah jis par na koi reh rha hai.. na koi kaam hona hai.

Us pr bhi tkleef thi un logo ko .
Fir bhi mai or bhai dur sbko le jate or hmara farz pura krte..
Lekin mausam itna bura tha us waqt ki dheere dheere sbki death ho gyi.

Maa ne btaya ki inme bahut km bach paate h..par fir bhi humein lgta hai.
Ki unhe khana pani time par milta to shayad bach skte the.
Humein hairani is bat se hain..ki wo konsa kisi ki jagah le lete.. ya itna nuksaan kar dete .
Bahut pyaare the wo.
Hum jb ghr se roti doodh lekr nikalte the.. wese hi humein dekhkr wo bhaagte aate the .
Bahut khushi hoti thi sach me..
Bs ye story ka purpose yahi tha.. ki please Insaan hai to Insaaniyat dikhaiye..
Kahi kahi bhi khuda chahta hai ki hum uske pyaare bne or ese kaam krein jisse use khushi ho.

To please kahi bhi koi in bezubaano ko nuksaan pahuchaye, unhe rokein.. smjhayein. Kisi bhi tarah unki jaan bachayein.

Hmare to dil ko Bahut tkleef pahuchi shayad meri ye bat apke dil tk pahuche to amal kijiyega..

Story pdhne ke liye bahut bahut dhanyawad apka🙏🏻🙏🏻😊

© IndoreKeGopal