নোৱাৰো মই , প্ৰসাধনৰ আৱৰণত নিজক সামৰি কেৱল “ধুনীয়া “জনী হৈ থাকিবলৈ । মই মুক্ত ভাৱে নিজৰ প্ৰসাধনবিহীন মই জনীক মানুহক দেখোৱাবলৈ কুন্ঠাবোধ মুঠেই নকৰো ।

কিয় লাগে , এই তৰপবোৰ? কোনো এজন পৰুষৰ আদৰ বুটলিবলৈ? নিজক ময়ো ভাল পাওঁ, ক্ষন্তেক পৰ ময়ো সেই মেক-আপৰ বোলত নিজক লুকাও , ভাল লাগে। কিন্ত ‘মই-মই’ যেন নালাগে ।

মই জানো, অকল লিপস্টিক নতুবা ব্লাশ্বাৰৰতেই সীমাবদ্ধ?? মোৰ নাই কোনো সত্তা? মই চোন নাৰী, দুখ-সুখ, হাঁহি-কান্দোন, প্ৰেম-বিষাদ, আদৰ-যতন, সংস্কাৰ বুজা । মই কিয় হ’ম, কেৱল কাপোৰ আৰু প্ৰসাধনৰ আৱৰণেৰে এজন পুৰুষক জয় কৰা, এগৰাকী?

মোৰ জধলা ৰূপটোৰেও মই অহা যোৱা কৰি পাইছো , আন বহুতৰ দৰেই মই ৰাতিপুৱাই আইলাইনাৰ কাজল আঁকি , কি পিন্ধিম নিপিন্ধিম ভাৱি মূৰঘমাব নোৱাৰো । মই নাজানো , “presentable” আৰু “perfect”ৰ মাজৰ ৰেখাডাল ক’ত । কাৰোবাৰ আকৰ্ষণ বজাই ৰাখিবলৈ, পকৃত মইজনীক লুকাই ৰাখিব, মই নোৱাৰিম।

হয়তো এমুকোৰা হাঁহিৰে , তেখেতলৈ চাম , মোৰ ওঁঠত নাথাকিব পাৰে কোনো শ্বেদ । মোক আকৰ্ষণিয় যেন নালাগিব পাৰে লাহে লাহে তেওঁৰ। গোমোঠা মুখ খনৰেও তেওঁলৈ থকা মৰম, ফুটিব । তেওঁ যদি মোৰ আচল প্ৰসাধনবিহীন ৰূপ দেখি,দুদিন পিছত আতৰি যাব খুজে ?? মই দুৱাৰখন দেখুৱাই দিম, নাহিবা দুনাই ঘূৰি ।

মই নুবুজো কেনেকৈ সৰলতা বোৰ ঢাকি অকণ বিশেষ ভংগী বা কথাৰে , কাৰোবাক আপোন কৰে । বুজি নাপাওঁ কিয় , তেনে চলনা এজন পুৰুষেও নুবুজে(?) । নে তেওঁৰ চকুৰ আগত থকা সুন্দৰতা আৰু চন্ছলতা খিনিয়ে বাকি সকলোবোৰ পাহৰায় তুলে?

ভালত উৎসাহ জগায়,আৰু বেয়া খিনি আঙুলিয়াই নিদিয়াকে, মই নোৱাৰিম ।

যুক্তি তৰ্ক কৰা নাৰী তেওঁত পচন্দ নহ’বয়ো পাৰে, থিক যেনেকৈ কাপুৰুষ মোৰ ভাল নালাগে । নে এনে পুৰুষে কেৱল বিচাৰে থুনুকা পুতলা এজনী দেখাত ধুনীয়া , ভিতৰি দুৰ্বল? নে বিচাৰে, কেৱল সাজি কাচি ঘৰ চম্ভালা,যি দুখত থাকিলেও নিজক ৰংৰ বোলেৰে সজোব, মুখেৰে টুটোৱো ন’কব? যাৰ মুখখনত পুৰুষে হাঁহিৰ জিলিঙনি নতুবা বিদ্ৰোহৰ চিন নেদেখে? যি মাথোন বিচাৰে,তেওঁৰ কথাতেই তাই দমন হয়, নতুবা তেওঁৰ দিয়া বস্তবাদি সুখতেই সুখি হৈ ৰাতিৰ কামোক বাসনাবোৰৰ পূৰায় যায়?

‘Male ego’ আগবঢ়াই আৰু ৰাতিৰ বাসনা নতুবা তেওঁৰ হৃদয়ৰ স্পদন খিনিয়েই লহৰ তুলি থাকিব, মই নোৱাৰিম ।

মই নোৱাৰিম, সেই নাৰী হ’ৱলৈ, যাৰ সকলো থাকিও ,”for a change”, বিয়াৰ পবিত্ৰ বান্ধোনৰ মাজতো এজন পৰ-পুৰুষৰ সংগী বিচাৰে । শুনিছো ,’valentine day’ত হেনু, বিবাহিতা এগৰাকীৰো ‘বয় ফ্ৰেন্ড ‘ থাকে (?) ।

সেই”infidelity ” নতুবা চুব নোৱাৰিও কিন্ত আনৰ প্ৰতি আকৰ্ষণ জন্মা, বা কোনোবা তৃতিয় এজনৰ সান্ধিধ্য পাব খোজা এজন স্বামীৰ লগত ঘৰ বান্ধিব, মই নোৱাৰিম । “

পণ্য , কমজোৰ নতুবা চলনাময়ী হ’ব মই নোৱাৰিম । মই নোৱাৰিম সহি ৰ’ব অনেক সমাজৰ প্ৰচলিত কথা । কেৱল মোৰ বাহিৰৰ নাৰীত্বখিনিৰ বাবেই এজন পুৰুষে মোক অাপোন কৰিব(?) ,মই নোৱাৰিম ।

নিজৰ সত্তা এৰি , “চম্মক চল্লো’ যেন সস্তীয়া এজনী হৈ পৰাৰ পৰা আতঁৰাই ৰাখিব , মই পাৰিম । পাৰিম কেৱল মইজনী হৈ ৰ’ব, মোক লগ পোৱাৰ দিনৰ পৰা মই শয্যাশায়ী হোৱালৈ । মই পাৰিম ।
@thewritingdogtor
মোৰ এমুঠি হেঁপাহ আৰু হুমুনিয়াহ