Der raat tak kyun jage rehte ho
Ab yeh bahaana mat dena ki neend nahi aati
Mujhe pata hai raat bhar kya sochte rehte ho
Wahi baatein na jo kisi se kahi nahi jati

Raat khud ko aaram dene ke liye hai
Unke baare mein sochne ke liye nahi
Jinhe hone na hone se tumhare
Farq nahi padta
Jisey jaana tha woh chale gaye
Rokne ke bawajood bhi
Ab sirf apne andar kamiyan dhundne se bhi
Sach mein kuch nahi milta

Jis cheez pe tumhare bas nahi hai
Ushke liye soch kar kyun apna dil bhar lete ho
Din ki thakaan kam thi kya jo raat ko
Naa so kar phir apna sar bhaari kar lete ho

Moond lo aakhein , Thak gaye hoge
Ab saari baatein , Khwaab mein hogi
Saans lo gehri , Kho jao khud mein
Neend tumhari , Aati hi hogi

Kabhi khud ke liye bhi kuch soch liya karo
Ya raat bas dusro ko hi sochne mein nikaalni hai
Yeh chand lamhe kuch hain jin pe
Sirf tumhara haq hai
Kyuki kal subhah toh phir se
Wahi zindagi sambhaalni hai

Sote kyun nahi? Raahat nahi chahiye?
Ya ab yeh boj rakhne mein hi
Maza aane laga hai , Nayi aadat nahi chahiye?

Galti naa hone par bhi khud ko
Kaise kos lete ho yaar
Apne aap ko haara hua mat samjha Karo

Jiske liye jage ho ushko parwaah
Nahi hai tumhari
Ushka message aayega
Yeh socha bhi mat karo

So Jao Aaj , Acha Lagega
Kal ki subhah bhi haseen hogi
Saans lo gehri , Kho jao khud mein
Neend tumhari , Aati hi hogi

Moond lo aakhein , Thak gaye hoge
Ab saari baatein , khwaab mein hogi
Saans lo gehri , Kho jao khud mein
Neend tumhari , Aati hi hogi.....