ती, ही आणि 'मी'... म्हणजे स्त्री...!
आज मी विचार केला की, खरचं माझ्यात इतके बळ आहे... माझ्या जीवातून मी अजून एक जीव तयार करू शकते... मी एका बाळाला जन्म देऊ शकते ( अर्थातच मी एका मुलाची आई आहे ) मी जर नवीन जीव निर्माण करू शकते, तर मग मी या आयुष्यातील कोणतीही चांगली गोष्ट सहज करू शकते.

कारण आई होणं सोपं नाहीये...! आणि आई होण्याईतका जीवनात दुसरा आनंद ही नाहीये... पण त्यासाठी स्त्रीचा नवा जन्मच होतो. ती तिच्या बाळाला जन्म देत असताना, ती स्वतः मरणाच्या दारात उभी असते... किती मोठी झुंज देत असते तिच्या शरीराची आणि काळजाची... "त्याक्षणी" काही क्षणात एकीकडे तिच्यापुढे आनंदी भविष्य समोर दिसतं असतं आणि "त्याच क्षणी" ती त्या वर्तमानात मरणाशी...